Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 84:1-12

I le faatonu o le ʻaufaimusika o le Kata.+ O le pese a le fanauga a Koru. 84  Ieova o ʻau e,+ e maʻeu lava le matagofie,O lou faleʻie paia sili!+   Ua ou naunau lava ma ua ou lailoa i le fia alu atu i lotoā o Ieova.+Ua alaga fiafia foʻi loʻu loto ma loʻu tagata i le Atua soifua.+   E oo lava i le manulele ua maua se mea e nofo ai,Ua maua foʻi e le peʻapeʻa se ofaga mo ia,E tuu ai foʻi i inā lana toloaʻi—O lou fata faitaulaga sili, Ieova o ʻau e, o loʻu Tupu ma loʻu Atua!   E fiafia i latou e nonofo i lou fale!+E latou te vivii atu pea iā te oe.+ Selā.   E fiafia tagata e iā te oe lo latou malosi,+O ē e naunau o latou loto e ui i ala i lou fale.+   E ui ane i le fanua laugatasi o vao peka,+Ua latou faia e avea ma vaipuna;Ua fusia foʻi e le aʻoaʻo+ o ia i faamanuiaga.   E savavali pea i latou ma le malosi ua faateleina;+E ō atu i latou taʻitoʻatasi i luma o le Atua i Siona.+   Ieova e, le Atua o ʻau, ia e faafofoga mai i laʻu tatalo;+Le Atua e, o Iakopo, ia e liuliualo mai.+ Selā.   Lo matou talita e, ia e silasila mai, le Atua e,+Ia e silasila mai i fofoga o lē ua e faauuina.+ 10  Auā e sili atu le aso e tasi i ou lotoā nai lo o le afe i se isi mea.+Ua ou filifili e tū i le faitotoʻa o le fale o loʻu Atua+Nai lo o le fealuaʻi solo i faleʻie o tagata amioleaga.+ 11  Auā o Ieova le Atua o le lā o ia,+ ma o le talita;+E foaʻi mai e ia le agalelei ma le mamalu.+E lē taofia e Ieova se mea lelei mai iā i latou o savavali ma le lē taʻuleagaina.+ 12  Ieova o ʻau e, e fiafia le tagata e faatuatua atu iā te oe.+

Faamatalaga Pito i Lalo