Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 83:1-18

O le pese a Asafo.+ 83  Le Atua e, aua e te fifilemu;+ Lē e Malosi e,+ aua neʻi e lē fetalai mai, ma aua foʻi neʻi e lē tali mai.   Auā faauta! ua vāvāō ou fili;+ Ma ua ea foʻi i luga ulu+ o ē e matuā ita iā te oe.   Ua faatogafiti ona latou talanoa faalilolilo+ e faatatau i lou nuu; Ma ua latou taupulepule foʻi faasaga i ē ua e natia.+   Ua latou faapea ane: “Inā ō mai ia ma seʻi o tatou faaumatia i latou ia lē toe avea ma nuu,+ Ina ia lē toe manatua ai lava le igoa o Isaraelu.”+   Auā ua latou taupulepule ma le lotogatasi;+ Ua oo foʻi ina latou osia se feagaiga e faasagatau ai iā te oe,+   O faleʻie o Etoma,+ o Isamaeli, o Moapi,+ o Hakara,+   O Kavali, o Amoni,+ ma Amaleka, O Filisitia+ faatasi ma tagata o Turo.+   Ua aufaatasi atu foʻi Asuria iā i latou;+ Ua tuu atu e ia lona lima i le fanauga a Lota.+ Selā.   Ia e faia iā i latou e pei ona e faia iā Mitiana,+ ma Sesera,+ Ma Iapino+ i le vanu o Kisona.+ 10  Na faaumatia i latou i Enetoro;+ Ma na avea i latou ma otaota i le laueleele.+ 11  A ia e faia i o latou tamālii e pei o Oreva ma Seeva,+ Ma e pei foʻi o Sepa ma Salemuna, ma o latou alo alii uma,+ 12  O ē na faapea ane: “Ia fai ma o tatou tofi mea e afio ai le Atua.”+ 13  Loʻu Atua e, ia e faia i latou e pei o vao mamago,+ E pei o tagutugutu o saito ua lelea i le matagi.+ 14  E pei o le afi ua mū ai le togāvao+ E pei foʻi o le mumū o le afi ua mū ai mauga,+ 15  Ia faapea lava ona e tuliloa i latou i lou afā+ Tau ina ia e faaatuatuvale foʻi i latou i lou matagi malosi.+ 16  Ia tumu i latou i le māsiasi,+ Ina ia saʻili atu ai tagata i lou suafa, Ieova e.+ 17  Tau ina ia faamāina i latou ma faaatuatuvale i taimi uma,+ Tau ina ia māsiasi ma fano foʻi i latou.+ 18  Ina ia iloa ai e tagata+ o oe e ou le suafa o Ieova,+ E na o oe lava o Lē e Silisili Ese+ i le lalolagi uma.+

Faamatalaga Pito i Lalo