Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 80:1-19

I le faatonu o le ʻaufaimusika i Lili.+ O le faamanatuga. O le pese a Asafo.+ 80  Le Leoleo e, o Isaraelu, ia e faafofoga mai,+ O oe o lē e taʻitaʻia Iosefa e pei o se lafu mamoe.+ O oe o lē o tiʻetiʻe i luga o kerupi,+ ia e susulu mai.+   Ia e faailoa lou malosi i luma o Efaraima, ma Peniamina, ma Manase,+ Ma ia e faaola mai iā te i matou.+   Le Atua e, ia e toe faafoʻisia i matou;+ Ma ia faamalamalama mai ou fofoga, ina ia faaolaina ai i matou.+   Ieova e, le Atua o ʻau, o le ā ea le umi e te matuā toʻasā mai ai i tatalo a lou nuu?+   Ua e fafagaina i latou i meaʻai o loimata,+ Ua e faainu pea foʻi iā i latou i loimata e matuā tele lava.+   Ua e faia i matou ma mea e masesei ai o matou tuaoi,+ Ma ua fiafia pea o matou tuaoi e taufaifai mai iā i matou.+   Le Atua o ʻau e, ia e toe faafoʻisia i matou;+ Ma ia faamalamalama mai ou fofoga, ina ia faaolaina ai i matou.+   Na e aumaia se vine mai i Aikupito.+ Na e tutuliesea pea foʻi atunuu, ina ia e totōina ai.+   Na e faamamāina le laueleele,+ ina ia faasosolo ona aa ma tumu ai le nuu.+ 10  Ua maluʻia mauga i lona paolo, Ma arasi o le Atua i ona lālā.+ 11  Ua sosolo mālie atu ona lālā e oo i le sami,+ Ma ona tātupu foʻi ua oo atu i le Vaitafe.+ 12  Aiseā ua e soloia ai ona pā maa,+ Aiseā foʻi ua tau ai ona fua e i latou uma e ui ane i le auala?+ 13  Ua ʻaina pea e le puaa ʻaivao,+ Ua aai ai pea foʻi manu e tele o le fanua.+ 14  Le Atua o ʻau e, ia e toe foʻi mai faamolemole;+ Ia e silasila ifo mai i le lagi, ia e silafia ai ma ia e tausi i lenei vine,+ 15  Ma le pogati foʻi na totō e lou aao taumatau,+ Ma le tamaʻi laau* na e faamalosia mo oe lava.+ 16  Ua tuu i lalo ma susunu i le afi.+ Ua fano foʻi i latou i le aʻoaʻiga mai iā te oe.+ 17  Ia iai lou aao i luga o le tagata o loo i lou aao taumatau,+ I luga o le atalii o le tagata o lē na e faamalosia mo oe lava,+ 18  E matou te lē liliuese mai iā te oe.+ Ia e faaolaina foʻi i matou, ina ia o matou valaau atu ai i lou suafa.+ 19  Le Atua o ʻau e, ia e toe faafoʻisia i matou;+ Ma ia faamalamalama mai ou fofoga, ina ia faaolaina ai i matou.+

Faamatalaga Pito i Lalo

I le gagana Eperu, o “le atalii.”