Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 79:1-13

O le pese a Asafo. 79  Le Atua e, ua ō mai atunuu i lou tofi;+ Ua latou faaleagaina lou malumalu paia;+ Ua latou faia foʻi Ierusalema ma faupuʻega o mea ua faatafunaina.+   Ua latou tuuina atu tino oti o au auauna e fai ma meaʻai a manufelelei o le lagi,+ O tino foʻi o ou tagata faamaoni i manufeʻai o le lalolagi.+   Ua latou sasaa atu o latou toto e pei o le vai Ua soo ai Ierusalema, ma e leai foʻi se tasi na tanuina i latou.+   Ua avea i matou ma luma i o matou tuaoi,+ O se mea e tauemu ma faifai mai ai i latou o loo siʻomia i matou.+   Ieova e, o le ā ea le umi e te toʻatamaʻi ai? Pe e faavavau ea?+ O le ā foʻi le umi e mumū ai e pei o le afi lou toʻatamaʻi?+   Ia e sasaa atu lou toʻasā i luga o atunuu e lē o iloa oe,+ Ma luga o malo e lē o valaau atu i lou suafa.+   Auā ua latou ʻaina Iakopo,+ Ua latou faatafunaina foʻi le mea e mau ai o ia.+   Aua e te faasalaina i matou ona o mea sesē a o matou tuaa.+ Ia vave ona e alofa mutimutivale mai iā i matou,+ Auā ua matou matuā vaivai lava.+   Le Atua e, o lo matou faaolataga,+ Ia e fesoasoani mai iā i matou ona o lou suafa mamalu;+ Ma ia laveaʻi mai iā i matou ma faamagalo mai a matou agasala ona o lou suafa.+ 10  Aiseā e faapea ane ai atunuu: “O fea lo latou Atua?”+ Ia faailoa atu i atunuu le tauia o le toto masaa o au auauna,+ A o matou vāai atu i ai.+ 11  Ia oo atu i ou luma le mapuitigā o le pagota.+ E tusa ma le malosi o lou aao, ia e faasaoina i latou ua tofia e oo i ai le oti.+ 12  Ma ia toe taui atu faafitu i fatafata o o matou tuaoi+ I a latou taufaifaiga na latou taufaifai atu ai iā te oe, Ieova e.+ 13  A o i matou o lou nuu ma le lafu mamoe na e fafagaina,+ E matou te faafetai atu iā te oe i aso uma lava; E matou te faalauiloa atu foʻi lou viiga i lea tupulaga ma lea tupulaga.+

Faamatalaga Pito i Lalo