Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 77:1-20

I le faatonu o le ʻaufaimusika i le Iutana. O le salamo a Asafo.+ O le pese. 77  Ou te alaga atu i le Atua i loʻu leo,+ Ou te alaga atu i le Atua i loʻu leo, ona faafofoga mai lava lea o ia iā te aʻu.+   Na ou saʻili iā Ieova i le aso o oʻu puapuaga.+ I le pō, e faaloaloa atu ai loʻu lima ae e lē gase lava; E leʻi mafai foʻi ona faamāfanafanaina aʻu.+   Ou te manatua le Atua ma ua ou lē manofo ai;+ Ua ou popole lava, o le mea lea ua ou vaivai ai.+ Selā.   Ua e taofia oʻu laumata;+ Ua ou atuatuvale foʻi ma ua lē mafai ona ou tautala.+   Na ou mafaufau i aso anamua,+ I tausaga o le vavau.   Ona ou manatua ai lea o laʻu pese i le pō;+ Ou te mafaufau ai i loʻu loto,+ E matuā saʻiliʻili ai foʻi loʻu loto.   Pe e faavavau ea ona lafoaʻia i tatou e Ieova,+ Ma lē toe fiafia mai o ia iā i tatou?+   Po ua mavae atu ea e faavavau lona alofa faamaoni?+ Po ua lē aogā ea ana afioga+ i lea tupulaga ma lea tupulaga?   Po ua galo ea i le Atua ona alofa mai,+ Po ua ia punitia ea lona alofa mutimutivale i lona toʻasā?+ Selā. 10  Ma po ou te fai atu ea e faapea: “O le mea lenei ua ou manuʻa ai,+ Ina ua suia le aao taumatau o Lē e Silisili Ese”?+ 11  Ou te manatua mea na faia e Ioa;+ Auā ou te manatua mea ofoofogia na e faia i aso anamua.+ 12  Ma ou te mafaufau loloto i au galuega uma,+ Ou te manatunatu foʻi i mea uma na e faia.+ 13  Le Atua e, o loo iai ou ala i le mea paia.+ O ai ea se Atua silisili e pei o le Atua?+ 14  O oe o le Atua moni, ua faia mea mamana.+ Ua e faailoa atu foʻi lou malosi i nuu.+ 15  Ua e faasaʻolotoina lou nuu i lou aao,+ O le fanauga a Iakopo ma le fanauga a Iosefa. Selā. 16  Le Atua e, ua iloa atu oe e vai, Ua iloa lava oe e vai; ona matuā tigā ai lea o i latou.+ Ua atuatuvale foʻi vai loloto.+ 17  Ua matuā faamaligi ifo e ao o vai;+ Ua sau mai i le lagi puaoa le leo. Ua felelei solo foʻi au aū.+ 18  O le leo o lou faititili ua pei o uili o le kariota;+ Ua faamalamalamaina e uila le laueleele;+ Ua atuatuvale foʻi le lalolagi ma gatete.+ 19  Ua i le sami lou ala,+ O ou ala foʻi na ui i vai e tele; Ua lē iloa foʻi ou tulaga aao. 20  Na e taʻitaʻia lou nuu e pei lava o se lafu mamoe,+ E ala i lima o Mose ma Arona.+

Faamatalaga Pito i Lalo