Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 75:1-10

I le faatonu o le ʻaufaimusika. “Aua e te tuuina atu aʻu ia fano.” O le salamo a Asafo.+ O le pese. 75  E matou te faafetai atu iā te oe, le Atua e; e matou te faafetai atu iā te oe,+ O loo latalata mai lou suafa.+ E faalauiloa atu e tagata au galuega ofoofogia.+   “Auā ua ou filifilia se taimi atofaina;+ Ou te faamasino ai ma le tonu.+   Ua liusuavai le lalolagi ma ē uma o loo nonofo ai,+ O aʻu lava na ou faasaʻosaʻoina ona poutū.”+ Selā.   Na ou faapea atu i ē e valelea: “Aua tou te vālea,”+ Ma na ou faapea atu foʻi i ē e amioleaga: “Aua le faamaualugaina lo outou nifo.+   Aua tou te soona faamaualuluga i lo outou nifo. Aua foʻi tou te tautatala ma le faauamaaa.+   Auā e lē mai i sasaʻe, e lē mai i sisifo, E lē mai i saute foʻi le faaeaina.   Auā o le Atua o le faamasino.+ E na te faamaulaloina le tasi, ae e na te faaeaina le isi.+   Auā o loo iai le ipu i le aao o Ieova,+ O le uaina ua iai piapia, ma ua tumu i le uaina filogia. E sasaa ese e ia ona ʻalu mai i le uaina; E inu foʻi e tagata amioleaga uma o le lalolagi mea uma lava.”+   A o aʻu, ou te taʻutaʻu atu i aso uma lava; Ou te faia foʻi pesega i le Atua o Iakopo.+ 10  “Ou te vavaeeseina nifo uma o ē e amioleaga.”+ Ae e faaeaina nifo o ē e amiotonu.+

Faamatalaga Pito i Lalo