Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 74:1-23

O le masekila* a Asafo.+ 74  Le Atua e, aiseā ua e lafoaʻiina ai i matou e faavavau?+Aiseā ua aasa ai pea lou toʻasā i le lafu mamoe o loo e fafagaina?+   Ia e manatua lau faapotopotoga na e faatauina anamua,+O le ituaiga na e togiolaina e avea ma ou tofi,+Ma lenei Mauga o Siona na e afio ai.+   Ia e liuliualo mai i nofoaga ua faaumatia aʻiaʻi.+O mea uma na faaleagaina e le fili i le nofoaga paia.+   Ua faataiō i latou o ē e ita iā te oe i totonu o lou nofoaga e faapotopoto ai.+Ua latou faatutūina foʻi a latou lava faailoga.+   O lē ua lauiloa e pei o le tagata ua sii i luga toʻi ina ia tuu ai i lalo laau putuputu.   O lenei, o ona teuteu uma foʻi na vaneina, ua latou taia i toʻi ma kolopā.+   Ua latou susunu lou malumalu i le afi.+Ua latou faaleagaina le faleʻie paia o loo iai lou suafa, ua oo lava i le eleele.+   Ua latou faapea ifo i o latou loto, e oo lava i a latou fanau:“E ao ona susunu uma nofoaga o le Atua e faapotopoto ai o loo i le nuu.”+   Ua tatou lē iloa a tatou faailoga; ua lē o toe iai se perofeta,+Ma ua leai foʻi se tasi o iā i tatou na te iloa po o le ā le umi. 10  Le Atua e, o le ā ea le umi e taufaifai mai ai pea le fili?+Po o le a lē faaaloalo ai pea le fili i lou suafa e faavavau?+ 11  Aiseā ua e toe faafoʻi atu ai lou aao, o lou aao taumatau+Mai i lou fatafata ina ia faaumatia ai i matou? 12  A o le Atua, o loʻu Tupu lea mai anamua,+O Lē e faia le faaolataga tele i le lalolagi.+ 13  O oe lava na e fesouaʻiina le sami i lou malosi;+Na e tuʻimomomoina foʻi ulu o meaola lapopoʻa o le sami.+ 14  O oe lava foʻi na e tuʻimomomoina ulu o korokotaila.*+Na e tuuina atu e fai ma meaʻai a tagata, o ē o loo nonofo i nuu naumati.+ 15  O Oe lava na e vaeluaina le vaipuna ma le ālia;+O oe foʻi na e faamamateina vaitafe na tafe tetele.+ 16  O oe e ona le ao; o oe foʻi e ona le pō.+O oe lava na e saunia le malamalama, atoa foʻi ma le lā.+ 17  O oe na e faataatia tuaoi uma o le lalolagi;+O oe foʻi na e faia le tau māfanafana ma le tau mālūlū.+ 18  Ia manatua lenei mea: Ieova e, ua taufaifai le fili iā te oe,+Ma ua lē faaaloalo foʻi le nuu vālea i lou suafa.+ 19  Aua e te tuuina atu le ola o lau manutagi i le manufeʻai.+Aua foʻi neʻi e faagaloina e faavavau ola o ou tagata ua puapuagatia.+ 20  Ia e silasila foʻi i le feagaiga,+Auā ua tutumu mea pogisa o le lalolagi i mea e nofo ai le sauā.+ 21  Tau ina ia aua neʻi toe foʻi mai ma le mā lē ua nutimomoia.+Tau ina ia vivii atu i lou suafa o lē ua mafatia ma lē ua mativa.+ 22  Le Atua e, inā tulaʻi mai ia e fai lau faamasinoga.+Ia e manatua le taufaifai atu iā te oe o le tagata valea i le aso atoa.+ 23  Aua neʻi galo le leo o i latou o ē e ita atu iā te oe.+Ua alu aʻe pea i le lagi le leo o i latou e tetee atu iā te oe.+

Faamatalaga Pito i Lalo

O le uiga o lenei upu Eperu o le “solo o manatunatuga loloto o se tasi.”
I le gagana Eperu, o le “Leviatana.”