Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 73:1-28

O le pese a Asafo.+ 73  E moni lava e lelei le Atua iā Isaraelu, i ē e mamā o latou loto.+   A o aʻu, na toetoe ina a liliuese oʻu vae,+ Na toetoe foʻi ina a see oʻu vae.+   Auā na ou matauʻa i ē e mitamitavale,+ Ina ua ou iloa atu le filemu o tagata amioleaga.+   Auā e leai ni o latou puapuaga e oo ai i le oti;+ Ma ua puputa foʻi o latou manava.+   E lē oo iā i latou faafitauli o tagata,+ Ma e lē aafia foʻi i latou i mala e pei o isi tagata.+   O le mea lea ua fai ai ma o latou asoa le faasausili;+ Ua fai foʻi ma o latou ofu le faasauā.+   Ua lululu o latou mata ona o le puputa;+ Ua sili atu mea ua latou maua nai lo o mea ua manatu i ai o latou loto.+   Ua latou faatauemu ma tautatala e uiga i mea leaga;+ Ua latou tautatala faamaualuga foʻi e uiga i mea e ave faagaoi.+   Ua oo atu i le lagi upu faatauemu a o latou gutu,+ Ma ua feoaʻi foʻi o latou laulaufaiva i le lalolagi.+ 10  O le mea lea ua ia toe faafoʻi mai ai ona tagata i inei, Ma ua sasaa atu foʻi vai e tele ina ia o latou feinu ai. 11  Ua latou faapea ane: “E faapefea ona silafia mai e le Atua?+ Pe e silafia ea e le Silisili Ese?”+ 12  Faauta! O tagata amioleaga nei, o ē ua toʻafilemu i aso uma lava.+ Ua faateleina foʻi a latou oloa.+ 13  E moni lava ua ou faamamā fua i loʻu loto+ Ma ua ou fufulu oʻu lima e faailoa atu ai ou te mamā.+ 14  Ua taia aʻu i mala i le aso atoa,+ Ma ua faasaʻoina foʻi aʻu i taeao uma.+ 15  Afai ou te faapea atu: “Ou te faamatala atu se tala faapena,” Faauta! ona ou faaʻoleʻole lea I le tupulaga o lau fanau.+ 16  Na ou manatunatu pea ina ia ou iloa ai lenei mea;+ Sa avea o se mea ou te atuatuvale ai, 17  Seʻia ou alu atu i le afioaga paia o le Atua.+ I loʻu fia iloa o lo latou lumanaʻi.+ 18  E moni lava, ua e tuuina atu i latou i le mea maseesee.+ Ua e faia foʻi i latou ina ia paʻuʻū i le fanoga.+ 19  E! Ua avea i latou ma mea e ofo ai i se taimi puupuu.+ Ua oo i latou i lo latou iʻuga, ua faaumatia foʻi i latou e ala i mala faafuaseʻi! 20  Ieova e, ua pei o le miti ina ua alafaʻi mai,+ Pe a e maleifua mai, e te ʻinoʻino foʻi i lo latou faatusa.+ 21  Auā na matuā tigā loʻu loto+ Ma na matuā tigā ai oʻu faalogona,*+ 22  Ua leai soʻu mafaufau, ou te leʻi iloaina foʻi;+ Na avea aʻu ua na o se manu i lau silafaga.+ 23  Ae ou te faatasi pea ma oe e lē aunoa;+ Ua e taofia loʻu lima taumatau.+ 24  E te taʻitaʻia aʻu i lau fautuaga,+ Mulimuli ane, e te ave aʻu i lou mamalu.+ 25  O ai ea se tasi ua iā te aʻu i le lagi?+ E leai foʻi se tasi ou te fiafia i ai i le lalolagi ua na o oe.+ 26  Ua vaivai loʻu tino ma loʻu loto.+ O le Atua o le papa o loʻu loto ma loʻu tofi i aso uma lava.+ 27  Faauta foʻi! e fano i latou e taumamao mai iā te oe.+ E te faaumatia lava i latou uma o ē e amio lē mamā ua tuua oe.+ 28  A o aʻu nei, ou te faalatalata atu i le Atua ou te lelei ai.+ Ou te sulufaʻi atu i le Alii Pule Silisili Ese o Ieova,+ Ina ia folafola atu au galuega uma lava.+

Faamatalaga Pito i Lalo

I le gagana Eperu, o “oʻu fatugaʻo.”