Skip to content

Skip to table of contents

Salamo 72:1-20

E faatatau iā Solomona. 72  Le Atua e, ia e tuuina atu iʻuga o au faamasinoga i le tupu,+Ma lau amiotonu i le alo o le tupu.+   Tau ina ia faamasino e ia lou nuu i le amiotonu+Ma ia faamasino foʻi ma le tonu ou tagata ua mafatia.+   Ia avatu e mauga le filemu i tagata,+Ia faapea foʻi aʻega ona o le amiotonu.   Ia faamasino e ia o ē ua mafatia o le nuu,+Ia faaolaina e ia le fanau a lē ua mativa,Ma ia tuʻimomomoina foʻi e ia o lē ua taufaasesē.   E matataʻu i latou iā te oe a o tumau pea le lā,+E faapea foʻi i lea tupulaga ma lea tupulaga a o iai le masina.+   E afio ifo o ia e pei o le timu i le mutia ua salaina,+E pei foʻi o timuga tetele ua susū ai le laueleele.+   O lana nofoaiga, e tupu olaola ai lē e amiotonu,+E tele foʻi le filemu seʻia leai se masina.+   E pule o ia i ona tagatānuu mai i le tasi sami e oo i le isi sami+E mai i le Vaitafe+ foʻi e oo atu i tuluʻiga o le lalolagi.+   E ifo atu i ona luma o tagata o loo nonofo i nuu naumati,+E eto foʻi e ona fili le pefu.+ 10  O tupu o Tasesa ma motu+E latou te ave ane meaalofa.+O tupu o Seepa ma SepaE latou te ave ane foʻi meaalofa.+ 11  E ifo atu tupu uma lava iā te ia;+E auauna foʻi atunuu uma iā te ia.+ 12  Auā e laveaʻi e ia le tagata mativa o loo tagi mai mo se fesoasoani,+Atoa foʻi ma lē ua mafatia ma lē ua leai sona fesoasoani.+ 13  E tigā alofa o ia i lē ua faatauvaa ma lē ua mativa,+E faaola foʻi e ia o ē ua matitiva.+ 14  E laveaʻiina e ia i latou mai i le pule sauā ma faiga sauā,E tautele foʻi lo latou toto i lana silafaga.+ 15  Ia soifua pea o ia,+ ia avatu foʻi iā te ia nisi o auro mai i Seepa.+Ia tatalo e lē aunoa ona o ia;Ia viia o ia i le aso atoa.+ 16  O le a tele saito i le laueleele;+O le a fau ma soloi i tumutumu o mauga.+O le a fua tele mai e pei o Lepanona,+O i latou foʻi e mai i le aai, o le a fuga mai e pei o le vao o le laueleele.+ 17  Ia tumau e faavavau lona suafa;+Ia faaauau ona iai lona suafa a o tumau pea le lā,Ia faamanuia i latou e i latou ona o ia;+Ia faaamuia foʻi atunuu uma iā te ia.+ 18  Ia viia Ieova le Atua, o le Atua o Isaraelu,+E na o ia lava ua faia galuega ofoofogia.+ 19  Ia viia lona suafa mamalu i aso uma lava,+Ia tumu foʻi le lalolagi atoa i lona mamalu.+Amene ma Amene. 20  Ua faaiʻuina tatalo a Tavita, le atalii o Iese.+

Faamatalaga Pito i Lalo