Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 71:1-24

71  Ieova e, ou te sulufaʻi atu iā te oe.+Tau ina ia aua neʻi faamāina aʻu.+   Ia e laveaʻi mai iā te aʻu i lau amiotonu, ma ia e saunia se mea ou te sao ai.+Ia e faafofoga mai iā te aʻu ma faaolaina aʻu.+   Ia avea oe ma oʻu papa malosi ou te alu atu i ai e lē aunoa.+Ia e poloaʻi ina ia faaolaina aʻu,+Auā o oe o loʻu papa ma loʻu ʻolo malosi.+   Loʻu Atua e, ia e saunia se mea ou te sao ai mai i le lima o lē e amioleaga,+Mai i le lima o lē e fai mea lē tonu ma faasauā.+   Auā o oe o loʻu faamoemoega,+ Ieova e, le Alii Pule Silisili Ese, o loʻu faatuatuaga talu mai loʻu talavou.+   Na ou faalagolago atu iā te oe ina ua ou fanau mai i le manava;+O oe na e aumaia aʻu mai i le manava o loʻu tinā.+Ou te vivii atu e lē aunoa iā te oe.+   Ua avea aʻu e pei o se vavega i le toʻatele o tagata;+A o oe o loʻu sulufaʻiga malosi.+   Ua tumu loʻu gutu i ou viiga,+Ma lou matagofie i le aso atoa.+   Aua e te lafoaʻiina aʻu ina ua ou toeaina;+Aua e te tuua aʻu ina ua mou atu loʻu malosi.+ 10  Auā ua faapea ane oʻu fili e uiga iā te aʻu,+Ma o ē o loo taulamalama iā te aʻu, ua latou taupulepule faatasi,+ 11  Ua faapea ane: “Ua tuua o ia e le Atua.+Inā tuliloa ia ma puʻe iā te ia, auā e leai sē e na te laveaʻia o ia.”+ 12  Le Atua e, aua e te faamamao ese ma aʻu.+Loʻu Atua e, ia vave ona e fesoasoani mai iā te aʻu.+ 13  Tau ina ia māsiasi o ē o loo tetee mai iā te aʻu, ma ia faaumatia i latou.+Tau ina ia matuā faalumaina o ē o loo saʻili ina ia ou leaga, ma ia faamāina i latou.+ 14  A o aʻu, ou te faatalitali atu e lē aunoa iā te oe,+Ma ou faaopoopo atu i ou viiga uma lava. 15  E taʻutaʻu atu e loʻu gutu lau amiotonu,+Ma lau faaolataga foʻi i le aso atoa,+Auā ua ou lē iloa lo latou aofaʻiga.+ 16  Ou te alu atu i lou malosi sili,+ Ieova e, le Alii Pule Silisili Ese;+Ou te taʻu atu lau amiotonu, e na o oe lava.+ 17  Le Atua e, na e aʻoaʻo mai iā te aʻu talu mai loʻu talavou,+Ma e oo mai nei lava, ou te taʻutaʻu atu pea au galuega ofoofogia.+ 18  Le Atua e, aua lava e te tuua aʻu, e oo lava ina ou toeaina ma ulusinā,+Seʻia ou taʻu atu e uiga i lou aao malosi i le tupulaga o loo fāi mai,+Iā i latou uma o loo fāi mai, e uiga i lou malosi.+ 19  Le Atua e, ua silisili lava lau amiotonu;+Ua e faia foʻi mea tetele,+Le Atua e, o ai ea se tasi e pei o oe?+ 20  Auā ua e faavaai aʻu i le tele o puapuaga ma mala,+Tau ina ia e toe faaola mai iā te aʻu;+Tau ina ia e ave aʻe iā te aʻu mai i vai loloto o le lalolagi.+ 21  Tau ina ia e faateleina loʻu mamalu,+Ma tau ina ia e siʻosiʻomia ma faamāfanafana mai iā te aʻu.+ 22  Ou te faaneenee atu foʻi iā te oe i le meafaifaaili e iai uaua,+E tusa ai ma lou faamaoni, loʻu Atua e.+Ou te fai pesega iā te oe i le kitara,* Lē e Paia o Isaraelu e.+ 23  E alaga fiafia oʻu laugutu pe a ou fia fai pesega iā te oe,+Atoa foʻi ma loʻu ola lea ua e laveaʻiina.+ 24  E taʻutaʻu lemū foʻi e loʻu laulaufaiva lau amiotonu i le aso atoa,+Auā ua māsiasi i latou, auā ua mamā i latou o ē e saʻili ia oo se mea leaga iā te aʻu.+

Faamatalaga Pito i Lalo

O se meafaifaaili anamua e ese mai i le kitara i aso nei. O le upu Peretania o le harp.