Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 70:1-5

I le faatonu o le ʻaufaimusika. O le salamo a Tavita e faamanatu ai.+ 70  Le Atua e, ia e laveaʻi mai iā te aʻu,+ Ieova e, ia vave ona e fesoasoani mai iā te aʻu.+   Tau ina ia māsiasi ma faamāina o ē o loo saʻili e fasiotia aʻu.+ Tau ina ia toe foʻi i latou ma ia faalumaina o ē o loo fiafia i loʻu malaia.+   Tau ina ia toe foʻi i latou ona o lo latou māsiasi, o ē ua faapea mai: “Uē, uē!”+   Tau ina ia latou fiafia ma olioli iā te oe, o ē uma o loo saʻili iā te oe,+ Tau ina ia latou faapea ane e lē aunoa: “Ia faasilisilia le Atua!”—o ē o loo naunau i lau faaolataga.+   A ua ou puapuagatia ma mativa.+ Le Atua e, ia vave ona e gaoioi mai mo aʻu.+ O oe o loʻu fesoasoani ma o Lē e na te saunia se mea ou te sao ai.+ Ieova e, aua e te faatuai mai.+

Faamatalaga Pito i Lalo