Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 7:1-17

O le pese faanoanoa a Tavita na ia pese atu ai iā Ieova, e tusa ai ma upu a Kuso le Peniamina. 7  Ieova e loʻu Atua,+ ua ou sulufaʻi atu iā te oe.+ Ia e faaolaina aʻu mai i ē uma e faasauā iā te aʻu, ma ia e laveaʻi mai iā te aʻu,+   Ina neʻi saeia aʻu e se isi e pei ona faia e se leona,+ Ma puʻea ai aʻu pe a leai sē e laveaʻi mai.+   Ieova e loʻu Atua, afai ua ou faia lenei mea,+ Afai foʻi ua faia e oʻu lima se mea e lē tonu,+   Afai ua ou toe taui atu le leaga i lē na agalelei mai iā te aʻu,+ Afai foʻi ua ou faoa mea a ē e ita mai iā te aʻu ae e leʻi taulau,+   Ia tuliloaina aʻu e se fili+ Ia maua foʻi aʻu e ia ma solia aʻu* i le eleele Ma ia tuu loʻu mamalu i le efuefu. Selā.   Ieova e, inā e tulaʻi ia mai i lou toʻasā;+ Ia faasilisilia oe ona o le ita o ē e faasauā mai iā te aʻu,+ Ma ia e maleifua mai,+ auā ua e tuuina mai le poloaʻiga ina ia faia le faamasinoga.+   Ia siʻosiʻomia oe e le faapotopotoga o atunuu, Ma ia e foʻi mai i o latou luga i le mea maualuga.   E faamasinoina e Ieova nuu.+ Ieova e, ia e faamasino mai iā te aʻu e tusa ma laʻu amiotonu+ Ma e tusa foʻi ma loʻu faamaoni.+   Faamolemole, ia e faaiʻuina le leaga o ē e amioleaga,+ Ia e faatumauina lē e amiotonu;+ Ma ia suʻesuʻe e le Atua amiotonu+ loto+ ma manatu.*+ 10  O loo i le Atua loʻu talita,+ o Lē e faaola i ē e saʻo o latou loto.+ 11  O le Atua o le Faamasino amiotonu,+ E taʻusalaina foʻi e le Atua o ē e amioleaga i aso uma. 12  Afai e lē toe foʻi mai se tasi,+ e faamaʻai e Ia lana pelu,+ E loloʻu foʻi e ia lana ʻaufana, ma e nofosauni o ia e fana.+ 13  E na te saunia foʻi mo ia auupega e oti ai;+ E na te faia foʻi ana aū ia mumū.+ 14  Faauta! Ua iai lē ua maʻitō i le mea e tigā ai,+ Ua afuafua e ia le faafitauli ma e fanaua mai lava e ia le pepelo.+ 15  Ua faia e ia le lua, ma ua ia eli i ai;+ Ae e paʻū o ia i le lua na ia faia.+ 16  E toe paʻū lava i lona ulu lona faafitauli,+ E paʻū foʻi i luga o lona tumuaʻi lona sauā.+ 17  Ou te faaneenee atu iā Ieova e tusa ma lana amiotonu,+ Ou te pese atu foʻi i le suafa+ o Ieova o Lē e Silisili Ese.+

Faamatalaga Pito i Lalo

I le gagana Eperu, “ma solia loʻu ola.”
I le gagana Eperu, “o fatugaʻo.”