Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 69:1-36

I le faatonu o le ʻaufaimusika i Lili.+ O le salamo a Tavita. 69  Le Atua e, ia e faaola mai iā te aʻu, ona ua toeitiiti lava a ou malemo i le vai.+   Ua ou magoto ifo i le palapala loloto, e leai se mea ou te tū ai.+ Ua ou oo atu i vai loloto, Ma ua ou tafea ai i le vaitafe.+   Ua ou vaivai i loʻu valaau atu;+ Ua tigā loʻu faaʻī. Ua nenefu laʻu vaai a o oʻu faatalitali atu i loʻu Atua.+   Ua sili atu ona toʻatele i latou ua ʻinoʻino mai fua iā te aʻu, nai lo o lauulu o loʻu ulu.+ Ua matuā toʻatele i latou ua mananaʻo ia ou oti, ua ita mai fua iā te aʻu.+ O mea foʻi ou te leʻi faoa na ou toe avatu iā i latou.   Le Atua e, o oe lava ua e silafia loʻu valea, E leʻi lilo foʻi iā te oe loʻu nofosala.+   Tau ina ia aua neʻi māsiasi i latou o faamoemoe atu iā te oe ona o aʻu,+ Ieova o ʻau e, le Alii Pule Silisili Ese,+ Tau ina ia aua foʻi neʻi faamāina i latou o saʻili atu iā te oe ona o aʻu,+ Le Atua o Isaraelu e.+   Auā ua faalumaina aʻu ona o oe,+ Ua ufitia oʻu mata i le māsiasi.+   Ua avea aʻu ma tagata ese i oʻu uso,+ Ma o se tagata ese foʻi i le fanau a loʻu tinā.+   Auā ua ʻaina lava aʻu i le maelega i lou fale,+ Ma ua oo mai iā te aʻu taufaifaiga a ē ua faifai atu iā te oe.+ 10  Ua ou tagi foʻi a o oʻu anapogi,+ Ae ua fai lea ma luma iā te aʻu.+ 11  Ina ua ou ofu i le ʻie talatala, Ona fai lea o aʻu ma upu faatusa iā i latou.+ 12  Ua fai upu mai iā te aʻu i latou o loo nonofo i le faitotoʻa,+ Ma ua avea aʻu ma taulaʻiga o pese a ē e inu i le ʻava malosi.+ 13  A o aʻu na ou tatalo atu iā te oe Ieova e,+ I le taimi e te talia mai ai, le Atua e.+ Ona o le tele o lou alofa faamaoni, ia e tali mai ai iā te aʻu e iloa ai o oe o le faaola moni.+ 14  Ia e laveaʻi iā te aʻu mai i le palapala, ina ia aua ai neʻi oʻu magoto ifo.+ Tau ina ia e laveaʻi iā te aʻu mai i ē e ita mai iā te aʻu,+ atoa foʻi ma vai loloto.+ 15  Aua neʻi oʻu tafea i le tatafe o vaitafe,+ Aua foʻi neʻi foloina aʻu e mea loloto, Pe punitia le gutu o le vaieli i oʻu luga.+ 16  Ieova e, ia e tali mai iā te aʻu, auā e lelei lou alofa faamaoni.+ Ia e liuliualo mai iā te aʻu e tusa ma le tele o lou alofa mutimutivale,+ 17  Aua foʻi neʻi natia ou fofoga mai i lau auauna.+ Ia e tali vave mai iā te aʻu, auā ua ou puapuagatia lava.+ 18  Ia e faalatalata mai iā te aʻu ma e faaola mai;+ Ia e laveaʻi mai iā te aʻu ona o oʻu fili.+ 19  Ua e silafia lava le faalumaina o aʻu, o loʻu māsiasi, ma le faamāina o aʻu.+ Ua i ou luma i latou uma o ē e ita mai iā te aʻu.+ 20  Ua tuia loʻu loto i le faalumaina, ma ua leai se fofō o le manuʻa.+ Sa ou faamoemoe pea i se tasi e alofa mai, ae e leai se tasi;+ Ma ni ē e faamāfanafana mai, ae ou te leʻi mauaina se tasi.+ 21  A o meaʻai, ua latou aumaia iā te aʻu se laau oona,+ Ma ua ou fia inu, ona latou taumafai lea e faainu aʻu i le vineta.+ 22  O la latou laoai i o latou luma, ia avea lea ma matāsele,+ O lo latou tamaoaiga foʻi, ia fai ma mailei.+ 23  Ia faapogisaina o latou mata ina ia lē mafai ai ona vāai;+ Ma ia gatete pea o latou sulugatiti.+ 24  Ia sasaa atu i o latou luga au faasalaga,+ Ma ia maua i latou i lou toʻasā aasa.+ 25  Ia faatafunaina lo latou togālauapi o loo siʻomia i le pā;+ Aua foʻi neʻi toe nofo se tasi i o latou faleʻie.+ 26  Auā ua latou tuliloa i lē na e fasia,+ Ua faaauau pea ona latou talanoa i tigā o i latou na e tuia. 27  Ia faaopoopo atu le mea sesē i o latou sesē,+ Ma aua neʻi oo i latou i lau amiotonu.+ 28  Ia soloiesea i latou mai i le tusi o ē e ola,+ Aua foʻi neʻi tusia i latou faatasi ma ē e amiotonu.+ 29  A ua ou mafatia ma tigā.+ Le Atua e, ia puipuia aʻu i lau faaolataga.+ 30  Ou te vivii atu i le suafa o le Atua i le pese,+ Ou te faasilisilia foʻi o ia i le faafetai.+ 31  E sili atu ona fiafia Ieova i lenei mea, nai lo o le povi poʻa,+ Nai lo o le tamaʻi povi poʻa e iai ona seu, e magalua ona atigivae.+ 32  E iloa lava e ē agamalu, ma latou olioli ai.+ O outou foʻi o loo saʻili i le Atua, ia faamalosia pea o outou loto.+ 33  Auā e faafofoga mai Ieova i ē e matitiva,+ E na te lē inosia foʻi ana lava pagota.+ 34  Ia vivii atu iā te ia le lagi ma le lalolagi,+ O le sami atoa ma mea uma o loo feoaʻi ai.+ 35  Auā e faaolaina e le Atua o Siona+ Ma fausia aai o Iuta;+ E latou te nonofo ai lava i inā ma fai mo i latou.+ 36  E fai lea ma tofi o fanau a ana auauna,+ E nonofo ai foʻi i latou o ē e alolofa i lona suafa.+

Faamatalaga Pito i Lalo