Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 66:1-20

I le faatonu o le ʻaufaimusika. O le pese, o le salamo. 66  Inā alalaga ia i le Atua i le manumalo, o outou o nuu uma o le lalolagi.+   Inā fai ia pesega i le mamalu o lona suafa.+Ia avatu foʻi iā te ia le viiga mamalu.+   Ia outou fai atu i le Atua: “Maʻeu lava le mataʻutia o au galuega!+Ona o le tele o lou malosi, e ō mai ai ma le gatete ou fili iā te oe.+   E ifo atu foʻi tagata uma o le lalolagi iā te oe,+Ma e latou te fai pesega iā te oe, e fai pesega foʻi i lou suafa.”+ Selā.   O outou le nuu e, inā ō mai ia ma vaavaai i galuega a le Atua.+E mataʻutia lava mea na ia faia mo le fanau a tagata.+   Na ia liua le sami i le laueleele mātūtū;+Na latou sopoʻia foʻi le vaitafe i o latou vae.+Na tatou olioli ai iā te ia i inā.+   O lona lava malosi e pule ai o ia e faavavau.+E mataʻitu foʻi e ona fofoga atunuu.+A o ē e faauamaaa, aua neʻi faamaualuluga i latou lava.+ Selā.   O outou nuu e, ia vivii atu i lo tatou Atua,+Ma ia lagona mai foʻi e ia le leo o viiga.+   Ua faasaoina e ia o matou ola,+Ma ua lē tuua e ia o matou vae ia tautevateva.+ 10  Auā ua e suʻesuʻeina i matou, le Atua e;+Ua e faamamāina i matou e pei ona faamamāina o siliva.+ 11  Ua e aumaia i matou i le upega a ē e tulimanu;+Ua e tuuina mai avega mamafa iā i matou.* 12  Ua e faatiʻetiʻe le tagata i luga o o matou ulu;+Na matou ui mai i le afi ma le vai,+A ua e aumaia i matou i le mapusaga.+ 13  Ou te alu atu i lou fale ma taulaga mū atoatoa;+Ou te totogi atu foʻi iā te oe aʻu tautoga+ 14  O le mea lea ua faapea atu ai oʻu laugutu+Ma tautala atu loʻu gutu ina ua ou puapuagatia.+ 15  Ou te ofoina atu iā te oe o taulaga mū atoatoa o manu pepeti,+Ma faamūina le taulaga o mamoe poʻa.Ou te ofoina atu foʻi se povi poʻa faatasi ma ʻoti poʻa.+ Selā. 16  O outou uma o ē e matataʻu i le Atua, inā ō mai ia ma faalogo mai+Ona ou faamatala atu lea o mea na ia faia mo aʻu.+ 17  Na ou valaau atu iā te ia i loʻu gutu,+Ma na vivii atu foʻi loʻu laulaufaiva iā te ia.+ 18  Afai ua manatunatu loʻu loto i se mea e tigā ai,E lē faafofoga mai Ieova iā te aʻu.+ 19  E moni lava ua faafofoga mai le Atua;+Ua liuliualo mai foʻi o ia i le leo o laʻu tatalo.+ 20  Ia viia le Atua, auā e na te leʻi liliueseina laʻu tatalo,Po o lona alofa faamaoni iā te aʻu.+

Faamatalaga Pito i Lalo

I le gagana Eperu, “Ua e tuuina mai avega mamafa i o matou suilapalapa.”