Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 64:1-10

I le faatonu o le ʻaufaimusika. O le pese a Tavita. 64  Le Atua e, ia e faafofoga mai i loʻu leo a o faailoa atu mea ua ou popole ai.+ Ia e leoleomalu i loʻu ola mai i mea mataʻutia a le fili.+   Ia e natia aʻu mai i talanoaga faalilolilo a ē e amioleaga,+ Ma le vevesi o ē e faia mea e tigā ai,+   O ē ua faamaʻai o latou laulaufaiva e pei o se pelu,+ O ē foʻi ua taʻi a latou ū, o upu oona,+   E fana atu mai i mea lilo i se tasi e lē taʻuleagaina.+ Ua faafuaseʻi ona latou fana atu iā te ia ma e lē fefefe.+   Ua latou maumauaʻi e tautatala i upuleaga;+ Ua latou faia foʻi faamatalaga ina ia natia mailei.+ Ua latou faapea ifo: “O ai e na te iloaina?”+   Ua latou saʻilia pea mea e lē tonu;+ Ua latou natia se togafiti ua fuafuaina lelei,+ Ma o manatu foʻi o tagata taʻitoʻatasi, e oo lava i lona loto ua suʻegatā lava.+   Ae e faafuaseʻi ona fana atu e le Atua se ū iā i latou.+ Ma iʻu ai ina manunuʻa i latou,+   E latou te faia foʻi mea e tautevateva ai le isi.+ Ma o a latou upu e lavevea ai i latou lava.+ E lūlū foʻi ulu o i latou uma e vaavaai atu iā i latou,+   E fefefe tagata uma;+ E latou te taʻu atu foʻi le mea ua faia e le Atua,+ Ma e latou te malamalama i lana galuega.+ 10  E olioli lē e amiotonu iā Ieova, ma e sulufaʻi atu lava iā te ia;+ E mitamita foʻi o ē uma e saʻo o latou loto.+

Faamatalaga Pito i Lalo