Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 63:1-11

O le pese a Tavita, a o iai i le toafa o Iuta.+ 63  Le Atua e, o oe lava o loʻu Atua, ou te saʻili atu pea iā te oe.+ Ua ou matuā naunau* iā te oe.+ Ua vaivai loʻu tino ona o le naunau tele iā te oe I le nuu naumati ma matelāina ai i le leai o se vai.+   O le mea lea, ua ou iloa ai oe i le mea paia,+ Ua ou vaai ai i lou malosi ma lou mamalu.+   Auā o lou alofa faamaoni e sili lea i le ola,+ E faamanū atu foʻi oʻu laugutu iā te oe.+   O le mea lea ou te vivii atu ai iā te oe i loʻu olaga atoa;+ E sisii atu foʻi oʻu lima i lou suafa.+   Ua faamalieina aʻu i le mea e sili ona lelei ma mea lololo,+ O laugutu o le alaga fiafia e ofoina atu ai e loʻu gutu le viiga.+   Ina ua ou manatua oe i loʻu moega,+ Ou te mafaufau loloto foʻi iā te oe i leoleoga o le pō.+   Auā o oe o loʻu fesoasoani,+ Ou te alaga atu ma le fiafia i le paolo o ou apaʻau.+   Ua ou mulimulituʻi atu iā te oe;+ Ua e taofimau foʻi iā te aʻu i lou aao taumatau.+   A o i latou o loo saʻili pea e faaumatia loʻu ola,+ E latou te ō ifo lava i vaega pito i maulalo o le lalolagi.+ 10  E tuuina atu i latou i le malosi o le pelu;+ E avea foʻi i latou ma meaʻai ma alope.+ 11  Ma e fiafia le tupu i le Atua.+ E mitamita foʻi tagata uma e tautō iā te ia,+ Auā o le a punitia gutu o i latou e tala pepelo.+

Faamatalaga Pito i Lalo

Po ua “ou galala iā te oe.”