Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 62:1-12

I le faatonu o le ʻaufaimusika o le Iutana. O le pese a Tavita. 62  E moni lava, ou te faatalitali ma le fifilemu i le Atua.+ Auā e mai iā te ia loʻu faaolataga.+   E moni lava, o ia o loʻu papa, o loʻu faaolataga, ma loʻu ʻolo e saogalemu ai;+ Ou te lē matuā tautevateva lava.+   O le ā ea le umi e te osofaʻia ai le tagata o loo e saʻili e fasioti?+ O outou uma ua peiseaʻī o se pā, o se pā maa ua toeitiiti solofa i lalo.+   E moni lava, e latou te avatu le fautuaga ina ia maileia ai se tasi mai i lona mamalu;+ E latou te fiafia i le tala pepelo.+ E latou te faamanuia atu i o latou gutu, a o totonu o o latou loto ua latou fetuu atu ai i isi.+ Selā.   E moni lava, ou te faatali atu i le Atua ma le fifilemu,+ Auā e mai iā te ia loʻu faamoemoe.+   E moni lava, o ia o loʻu papa, o loʻu faaolataga, ma loʻu ʻolo e saogalemu ai;+ Ou te lē tautevateva lava.+   E mai i le Atua loʻu faaolataga ma loʻu mamalu.+ O le Atua o loʻu papa malosi, ma o loʻu sulufaʻiga.+   Le nuu e, ia faatuatua atu iā te ia i taimi uma.+ Ia outou sasaa atu iā te ia mea o loo i o outou loto.+ O le Atua o lo tatou sulufaʻiga.+ Selā.   E moni lava, o le fanau a tagata ua na o se savili,+ O le fanau a tagata e pepelo.+ Pe a fuatia i latou i le fua, e sili atu lo latou māmā nai lo o le savili.+ 10  Aua tou te faatuatua i mea ua ave faagaoi,+ Aua foʻi le mitamita i mea ua faoa.+ Ina neʻi faateleina a outou oloa, aua foʻi neʻi faatuatua o outou loto i na mea.+ 11  E faatasi ona fetalai mai le Atua, ae e faalua ona ou faalogo ai i lenei mea,+ O le Atua e ona le malosi.+ 12  O oe foʻi Ieova e, e ona le alofa faamaoni,+ Auā o oe lava e te toe taui mai i tagata taʻitoʻatasi e tusa ma lana galuega.+

Faamatalaga Pito i Lalo