Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 59:1-17

I le faatonu o le ʻaufaimusika. “Aua e te tuuina atu aʻu ia fano.” O le salamo a Tavita. O le Mikitamu. Ina ua auina atu e Saulo nisi, ua latou mataʻitu pea le fale ina ia fasiotia o ia.+ 59  Loʻu Atua e, ia e laveaʻi iā te aʻu mai i oʻu fili;+ Ia e puipuia foʻi aʻu mai iā i latou e faasagatau mai iā te aʻu.+   Ia e laveaʻi iā te aʻu mai i ē e faia mea e tigā ai,+ Ma ia e faaola foʻi iā te aʻu mai i tagata ua nofosala i le toto.   Faauta! ua latou lamalama e fasioti iā te aʻu;+ Ua osofaʻi mai foʻi aʻu e ē malolosi,+ Ieova e, auā ou te leʻi fouvale pe na ou agasala foʻi.+   E ui lava e leai saʻu mea sesē, a ua latou taufetuli mai ma sauniuni.+ Inā maleifua mai ia i laʻu valaau atu ma silasila i ai.+   O oe foʻi, Ieova e, le Atua o ʻau, o le Atua o Isaraelu.+ Inā maleifua mai ia ma liuliualo mai i nuu uma.+ Aua foʻi e te alofa atu i so o se tagata faalata e na te faia mea e tigā ai.+ Selā.   E foʻi mai pea i latou i le afiafi;+ E ōu mai pea i latou e pei o se taʻifau+ ma faataamilo i le aai atoa.+   Faauta! ua luai mai i o latou gutu o upuleaga;+ Ua iai foʻi pelu i o latou laugutu,+ Auā o ai ea sē e faalogo ane i ai?+   A o oe Ieova e, e te soisoi iā i latou;+ E te tauemu foʻi i atunuu uma lava.+   Loʻu Malosi e, ou te vaavaai atu pea iā te oe;+ Auā o le Atua o loʻu ʻolo lea e saogalemu ai.+ 10  E i oʻu luma le Atua o lē e alofa faamaoni iā te aʻu;+ E faia foʻi aʻu e le Atua ina ia ou vaavaai ifo i oʻu fili.+ 11  Aua neʻi e fasiotia i latou ina neʻi faagaloina e loʻu nuu.+ Ia e faafeoaʻi solo i latou e ala i lou malosi,+ Ma ia e faatoʻilaloina i latou, Ieova e, lo matou talita,+ 12  Ona o le agasala a o latou gutu ma upu a o latou laugutu;+ Ia maua foʻi i latou i lo latou faamaualuluga,+ Ona o fetuu ma upu taufaasesē ua latou faia pea. 13  Ia e faaumatia i latou i le toʻasā;+ Ia e faaumatia i latou ina ia lē toe iai; Ma ia o latou iloa ai o loo pule le Atua iā Iakopo e oo lava i tuluʻiga o le lalolagi.+ Selā. 14  Ia toe foʻi mai i latou i le afiafi; Ma ia ōu i latou e pei o se taʻifau ma faataamilo i le aai atoa.+ 15  Ia feoaʻi solo i latou e saʻili ni mea e aai ai;+ Ia aua foʻi neʻi maoona i latou pe nonofo ai i le pō.+ 16  A o aʻu, ou te pese atu i lou malosi,+ I le taeao, ou te taʻutaʻu atu ai ma le olioli e uiga i lou alofa faamaoni.+ Auā ua fai oe ma ʻolo ou te saogalemu ai+ Ua avea foʻi ma mea ou te sola i ai i le aso o loʻu puapuaga.+ 17  Loʻu Malosi e, ou te fai pesega iā te oe,+ Auā o le Atua o loʻu ʻolo lea e saogalemu ai, o le Atua e alofa faamaoni mai iā te aʻu.+

Faamatalaga Pito i Lalo