Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 58:1-11

I le faatonu o le ʻaufaimusika. “Aua e te tuuina atu aʻu ina ia fano.” O le salamo a Tavita. O le Mikitamu. 58  E faapefea ona outou tautatala e uiga i le amiotonu+ pe afai tou te fifilemu?O outou le fanau a tagata, pe e mafai ea ona outou faamasino ma le tonu?+   Nai lo o lea, ua outou faia mea e lē tonu i o outou loto i le lalolagi,+Ma ua saunia le ala mo faiga sauā a o outou lima!+   Ua faapiʻopiʻo o ē e amioleaga talu ina fananau mai;+Ua latou feoaʻi solo talu mai lava ona iai i le manava;Ua latou tautatala foʻi i mea pepelo.+   O a latou mea oona ua pei o le mea oona a le gata,+Ua tutuli e pei o le asipi* ua punitia ona taliga,+   E lē faalogo o ia i le leo o ē e atamamai e faaōleōle gata,+E ui ina atamai lē o loo faaōleōle i faalauatau.+   Le Atua e, ia e gauia o latou nifo mai i o latou gutu.+Ieova e, ia e gagauina foʻi auvae o tamaʻi leona taanoa.   Tau ina ia liusuavai i latou ia pei o le vai o loo tafe;+Tau ina ia loloʻu e ia le ʻaufana mo ana aū a o paʻuʻū i latou.+   E savali o ia e pei o le sisi ua liusuavai;E latou te lē iloa foʻi le lā e pei o se fafine ua fanau lē au.+   A o leʻi lagona e a outou ulo le mumū o laau tuitui,+E aveesea e ia o laau lauolaola lanu meamata faapea ma laau ua mū, e pei ona aveesea i se matagi malosi.+ 10  E olioli o lē e amiotonu ona ua ia iloa atu le tauimasui.+E mulumulu foʻi ona vae i le toto o lē e amioleaga.+ 11  E faapea ane tagata:+ “E moni lava e iai le taui mo lē e amiotonu.+E moni foʻi e iai le Atua e na te faamasinoina le lalolagi.”+

Faamatalaga Pito i Lalo

O se ituaiga o gata uogo e maua i Asia ma Aferika.