Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 57:1-11

I le faatonu o le ʻaufaimusika. “Aua e te tuuina atu aʻu ina ia fano.” O le salamo a Tavita. O le Mikitamu. Ina ua sola atu o ia i le ana ona o Saulo.+ 57  Le Atua e, ia e alofa mai iā te aʻu, ia e alofa mai iā te aʻu,+Auā o oe ou te sulufaʻi atu i ai;+Ma o le paolo foʻi o ou apaʻau ou te sulufaʻi atu i ai, seʻia mavae ese atu o mea tigā.+   Ou te valaau atu i le Atua o Lē e Silisili Ese, i le Atua moni o lē na faaiʻuina mea tigā ona o aʻu.+   E auina mai e ia le fesoasoani mai i le lagi ma faaolaina aʻu.+E na te faafenuminumiaʻi foʻi lē o loo fia mauaina aʻu.+ Selā.E auina mai e le Atua lona alofa faamaoni ma lona faamaoni.+   Ua ou iai i le ogatotonu o leona;+Ua ou taoto faatasi ma le fanau a tagata o ē e saʻili ina ia faaumatia nisi,O o latou nifo o tao ma aū fanafana ia,+Ma o o latou laulaufaiva foʻi o le pelu maʻai lea.+   Le Atua e, ia faaeaina oe e sili aʻe i le lagi;+Ia i luga aʻe foʻi i le lalolagi uma lou mamalu.+   Ua latou saunia se upega i le mea ou te savali ai;+Ma ua ou mafatia ai.+Ua latou eli se lua i oʻu luma ina ia ou paʻū ai;A ua paʻuʻū ai i latou i totonu.+ Selā.   Le Atua e, ua mausalī loʻu loto.+Ua mausalī loʻu loto.Ou te pese atu ma faia pesega.+   Loʻu mamalu e, inā ala mai ia;+Inā ala mai ia, le meafaifaaili e, e iai uaua; o oe foʻi le kitara e.*+Ou te alafaʻi mai i le tafa o ata.   Ieova e, ou te faaneenee atu iā te oe i luma o tagata;+Ou te faia foʻi pesega iā te oe i luma o nuu.+ 10  Auā ua tele lou alofa faamaoni ua oo atu i le lagi,+Ua oo atu foʻi lou faamaoni i ao.+ 11  Le Atua e, ia faaeaina oe e sili aʻe i le lagi;+Ia i luga aʻe foʻi o le lalolagi uma lou mamalu.

Faamatalaga Pito i Lalo

O se meafaifaaili anamua e ese mai i le kitara i aso nei. O le upu Peretania o le harp.