Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 56:1-13

I le faatonu o le ʻaufaimusika o le Lupe Filemu i ē e mamao. O le salamo a Tavita. O le Mikitamu. Ina ua puʻea o ia e tagata Filisitia i Kata.+ 56  Le Atua e, ia e manatu mai iā te aʻu, auā ua fia maua aʻu e le tagata.+ Ua ia faasauā mai pea i le siitaua mai iā te aʻu i le aso atoa.+   Ua fia maua lava aʻu e oʻu fili i le aso atoa,+ Auā e toʻatele ua siitaua mai iā te aʻu ma le faamaualuluga.+   O le aso lava ou te fefe ai, ou te faatuatua atu iā te oe.+   O le autasi ma le Atua, o le mea lea ou te vivii atu ai i lana afioga.+ Ua tuu loʻu faatuatuaga i le Atua; ou te lē fefe lava.+ O le ā se mea e faia e se tagata iā te aʻu?+   Ua latou faatigā mai pea i aʻu mea e fai i le aso atoa; Ua latou manatunatu leaga uma foʻi iā te aʻu.+   Ua latou osofaʻia aʻu, ona lalafi ai lea,+ Ua latou mataʻituina pea oʻu laasaga,+ A o latou lamalama ia ou oti.+   Ia teena i latou ona o o latou faanaunauga leaga.+ Le Atua e, ia e faatoʻilalo tagata i lou toʻasā.+   Ua e faamaumauina le taimi na ou fesolasolataʻi ai.+ Ia e utuina oʻu loimata i lau fagupaʻu.*+ Pe e lē o iai ea i lau tusi?+   I lea taimi e toe foʻi ai oʻu fili i le aso ou te valaau atu ai iā te oe;+ Ua ou iloa lelei ai ua faatasi le Atua ma aʻu.+ 10  O le autasi ma le Atua,+ o le mea lea ou te vivii atu ai i lana afioga O le autasi ma Ieova, o le mea lea ou te vivii atu ai i lana afioga.+ 11  Ua ou faatuatua atu i le Atua. Ou te lē fefe lava.+ O le ā ea se mea e mafai ona faia e le tagata iā te aʻu?+ 12  Le Atua e, e tatau ona ou faataunuu mea na ou tautō ai iā te oe.+ Ou te avatu foʻi taulaga o le faafetai iā te oe.+ 13  Auā ua e laveaʻiina aʻu mai i le oti+ Pe e te leʻi laveaʻiina ea foʻi oʻu vae ina neʻi tautevateva?+ Ina ia ou savali ai i luma o le Atua i le malamalama o ē e ola.+

Faamatalaga Pito i Lalo

O lenei fagupaʻu na fai mai i paʻu o manu.