Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 50:1-23

O le pese a Asafo.+ 50  Ua fetalai mai+ o Lē e Malosi,+ o Ieova le Atua,+ Ma ua ia valaau mai i le lalolagi,+ Mai i le oso aʻe o le lā seʻia goto ifo.+   Ua pupula mai le Atua+ mai i Siona, lea e atoatoa lona matagofie.+   E afio mai lo tatou Atua ma e na te lē taofia lona siʻufofoga.+ Ua iai le afi i ona luma,+ Ma ua siʻosiʻomia foʻi o ia e le afā malosi.+   Ua valaau atu o ia i le lagi i lugā ma le lalolagi,+ Ina ia faaoo mai le faamasinoga i ona tagata:+   “Inā faapotopoto mai ia iā te aʻu o oʻu tagata faamaoni,+ O i latou ua osia laʻu feagaiga e faavae i le taulaga.”+   Ua taʻutaʻu atu foʻi e le lagi lana amiotonu,+ Auā o le Atua o le Faamasino.+ Selā.   “Loʻu nuu e, inā faalogo mai ia, ma o le a ou tautala atu,+ Isaraelu e, ou te molimau foʻi faasaga iā te oe.+ O aʻu o le Atua, o lou Atua.+   E lē ona o au taulaga ua ou aʻoaʻia ai oe,+ Po o au taulaga mū foʻi ua iai i oʻu luma e lē aunoa.+   Ou te lē aveesea mai i lou fale se povi poʻa,+ E lē aveesea foʻi mai i ou lotoā ni ʻoti poʻa. 10  Auā o aʻu e ana manu tataa uma o le vaomatua,+ Ma manu i luga o mauga e afe.+ 11  Ou te iloa lelei manufelelei uma o mauga,+ Ma ua iā te aʻu foʻi le tele o manu o le fanua.+ 12  Pe ana ou fia ʻai, ou te lē taʻu atu iā te oe; Auā o aʻu e ana le laueleele+ ma mea ua tumu ai.+ 13  Po ou te ʻaina ea le aano o povi poʻa malolosi,+ Po ou te inu ea foʻi i le toto o ʻoti poʻa?+ 14  Ia e ofoina atu le faafetai e fai ma au taulaga i le Atua,+ Ma ia e totogi atu au tautoga i Lē e Silisili Ese;+ 15  Ia e valaau mai iā te aʻu i le aso o le puapuaga.+ Ou te laveaʻiina oe, ma e te faamamaluina foʻi aʻu.”+ 16  Ae e faapea ane le Atua i lē e amioleaga:+ “O ai na tuuina atu iā te oe le aiā e te faamatala ai aʻu tulafono,+ Ma tautala ai lou gutu i laʻu feagaiga?+ 17  O oe foʻi ua e ʻinoʻino i le aʻoaʻiga,+ Ma ua e lafoaʻiina pea aʻu upu i ou tua.+ 18  O taimi uma e te vaai ai i se gaoi, e te fiafia lava iā te ia;+ Sa e faifaimea faatasi foʻi ma tagata mulilulua.+ 19  Ua e lafo mai upuleaga mai i lou gutu,+ Ma ua pipii pea lou laulaufaiva i le taufaasesē.+ 20  Ua e nofo ma e tautala faasaga i lou lava uso,+ Ua e faia foʻi tala taufaaleaga e faatatau i le tama a lou tinā.+ 21  Na e faia nei mea, ae ou te leʻi pisa.+ Na e mafaufau faapea o le a ou pei o oe.+ O le a ou aʻoaʻi iā te oe,+ ma ou faasaʻo mea i ou luma.+ 22  O outou o ē ua faagaloina le Atua,+ ia outou malamalama i lenei mea faamolemole, Ina neʻi oʻu saeia outou e aunoa ma se tasi e laveaʻiina outou.+ 23  O lē e ofoina mai iā te aʻu le faafetai e fai ma ana taulaga, o ia lea e na te faamamaluina aʻu;+ Ma o lē foʻi e tausia pea lou ala, Ou te faailoa atu iā te ia le faaolataga mai i le Atua.”+

Faamatalaga Pito i Lalo