Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 5:1-12

I le faatonu o le ʻaufaimusika a Neilota.* O le pese a Tavita. 5  Ieova e, ia e faafofoga mai i aʻu upu;+ Ia e silafia mai loʻu ōi.   Ia e uaʻi mai i laʻu alaga atu mo se fesoasoani,+ Auā ou te tatalo+ atu iā te oe loʻu Tupu e,+ ma loʻu Atua.   Ieova e, e te faafofoga mai i loʻu leo i le taeao;+ Ou te valaau atu iā te oe i le taeao ma ou faatalitali atu iā te oe.+   Auā e lē o oe o se Atua e fiafia i le amioleaga;+ E leai foʻi sē e leaga e nofo faatasi ma oe+ i so o se taimi.   E lē tutū i ou luma+ o ē e mitamitavale. Ua e ʻinoʻino foʻi iā i latou uma e faia mea e tigā ai;+   E te faaumatia o ē e tala pepelo.+ E inosia e Ieova le tagata e faamasaatoto+ ma taufaasesē.+   A o aʻu nei, o le tele o lou alofa faamaoni+ Ou te alu atu ai i lou fale,+ Ou te ifo foʻi i lou malumalu paia ona o loʻu mataʻu iā te oe.+   Ieova e, ia e taʻitaʻi aʻu i lau amiotonu+ ona o oʻu fili;+ Ia e faalaulelei lou ala i oʻu luma.+   Auā e leai se upu maufaatuatuaina i o latou gutu;+ E tumu o latou loto i mea leaga.+ O o latou faaʻī o se tuugamau ua faamaga;+ Ua faaʻoleʻole i latou i o latou laulaufaiva.+ 10  E faasalaina e le Atua i latou;+ E paʻuʻū i latou i a latou lava taupulepulega.+ E faataapeapeina i latou ona o le tele o a latou soligatulafono,+ Auā ua latou fouvale iā te oe.+ 11  Ae e olioli i latou uma o ē e sulufaʻi atu iā te oe;+ Latou te alalaga foʻi ma le fiafia i aso uma lava.+ E te puipuia i latou, E olioli foʻi iā te oe o ē e alolofa i lou suafa.+ 12  O oe Ieova e, e te faamanuia i so o se tagata amiotonu,+ O lou finagalo malie e te siʻosiʻomia ai+ i latou e pei o se talita+ tele.

Faamatalaga Pito i Lalo

O se upu Eperu e lē o mailoa lona uiga. Atonu o le igoa o se meafaifaaili po o se fatuga.