Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 49:1-20

I le faatonu o le ʻaufaimusika. O le fanauga a Koru.+ O le pese. 49  O outou nuu e, inā faalogo mai ia outou uma. Inā faalogo mai ia outou uma o ē o loo nonofo i le lalolagi,+   O outou o le fanau a tagata ma outou atalii o tagata, O oe le tagata mauʻoa ma oe le tagata mativa.+   Ou te tautala atu lava i le atamai,+ Ma o manatunatuga loloto o loʻu loto o le malamalama lea.+   E uaʻi atu oʻu taliga i le tala faatusa;+ Ou te faamatala atu foʻi laʻu tupua+ a o tāina le kitara.   Aiseā ou te fefe ai i aso leaga,+ Ina ua siʻomia aʻu i mea sesē a oʻu fili?+   O ē e faatuatua i lo latou tamaoaiga,+ Ma mitamitavale pea i le tele o a latou ʻoa,+   E leai se tasi o i latou e mafai ona laveaʻi i lona uso,+ E lē mafai foʻi ona avatu i le Atua se togiola mo ia;   (E matuā telē le tau o le togiola o o latou ola+ Ua lē mafaia lava e oo i le faavavau)   Ina ia ola pea o ia e faavavau ma lē vaai ai i le tuugamau.+ 10  Auā ua ia iloa, e oo foʻi le oti i le tagata atamai,+ E fano foʻi le tagata valea ma le tagata e lē fetuutuunaʻi,+ Ma e latou te tuua lo latou tamaoaiga e fai mo isi.+ 11  O moomooga o o latou loto ia tumau pea o latou fale i aso uma lava,+ O o latou faleʻie foʻi e mai i lea tupulaga i lea tupulaga.+ Ua latou faaigoa o latou fanua i o latou igoa.+ 12  E ui lava ina mamalu le tagata, ae e lē tumau o ia;+ E faatusaina o ia i manu ua faaumatia.+ 13  O le ala lenei o i latou o ē e vālea,+ Ma i latou e mulimuli iā i latou o ē e fiafia i a latou upu faasausili. Selā. 14  E pei i latou o mamoe ua tofia i le Tuugamau;*+ E leoleoina i latou e le oti;+ Ma e pulea i latou e ē amio saʻo i le taeao,+ E mou atu foʻi o latou tino;+ E fai mo i latou taʻitoʻatasi le Tuugamau nai lo o se mea maualuga.+ 15  Ae peitaʻi, e laveaʻiina e le Atua loʻu ola mai i le lima o le Tuugamau,+ Auā e na te taliaina aʻu. Selā. 16  Aua e te fefe pe a maua e se tagata ni ʻoa,+ Auā ua faateleina le mamalu o lona aiga,+ 17  Auā pe a oti o ia, e leai ma se mea e mafai ona ia aveina;+ E lē alu ifo foʻi lona mamalu faatasi ma ia.+ 18  Auā na ia viiviia o ia lava a o ola o ia;+ (E faaneenee atu foʻi tagata iā te oe ona ua e taulau manuia)+ 19  E alu atu o ia e faatasi ma ona augātamā.+ E latou te lē toe vāai foʻi i le malamalama.+ 20  E ui lava ina mamalu le tagata, ae e lē malamalama o ia;+ E faatusaina o ia i manu ua faaumatia.+

Faamatalaga Pito i Lalo

Tagaʻi i le Faaopoopoga e 6.