Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 44:1-26

I le faatonu o le ʻaufaimusika. O le fanauga a Koru.+ O le Masekila.* 44  Le Atua e, ua faalogo o matou taliga,Ua faamatalatala mai e o matou augātamā iā i matou+O galuega na e faia i o latou aso,+I aso anamua.+   Ua tuliesea e lou aao o nuu ese,+A ua e totōina lou nuu.+Ua e faatoʻilaloina foʻi nuu ma aauina ese atu i latou.+   Auā e lē o la latou pelu na fai ai le laueleele ma o latou tofi,+E lē o o latou lima foʻi na latou maua ai le faaolataga.+A o lou aao taumatau, ma lau fesoasoani,+ ma le malamalama o ou fofoga,Auā na e fiafia iā i latou.+   Le Atua e, o oe lava o loʻu Tupu.+Ia e poloaʻiina le faaolataga tele mo Iakopo.+   O lau fesoasoani e matou te tulei ai o matou fili;+O lou suafa foʻi e matou te solia ai i latou e fouvale mai iā i matou.+   Auā e leʻi tuu loʻu faatuatuaga i laʻu ʻaufana+E lē o laʻu pelu foʻi na faaolaina ai aʻu.+   Auā na e faaolaina i matou mai i o matou fili,+Na e faamāsiasi foʻi iā i latou na matuā ita mai iā i matou.+   E matou te ofoina atu le viiga i le Atua i le aso atoa,+E matou te faaneenee atu foʻi i lou suafa i aso uma lava.+ Selā.   A o lenei ua e lafoaʻia ma faalumaina pea i matou,+Ma ua e lē faatasi foʻi ma a matou ʻautau.+ 10  Ua e faia pea i matou ina ia solomuli mai i o matou fili,+O i latou foʻi o ē e matuā ita mai iā i matou ua latou faoa mea mo i latou lava.+ 11  Ua e tuulafoaʻia i matou e pei o ni mamoe o le a ʻaina,+Ua e faataapeapeina foʻi i matou i nuu.+ 12  Ua e faatauina atu lou nuu ae e leai se tau,+Ma e leʻi maua foʻi se tupe faasili i lona tau. 13  Ua e faia i matou ma luma i o matou tuaoi,+O se mea e tauemu ma faifai mai ai i latou uma o loo siʻomia i matou.+ 14  Ua e faia i matou ma upu faatusa i nuu,+E lūlū mai ai ulu o nuu.+ 15  Ua i oʻu luma i le aso atoa le faamāina o aʻu,Ua ufitia foʻi aʻu i le mea e māsiasi ai oʻu mata,+ 16  Ona o le leo o lē e faifai ma tautala mai i upuleaga,Ona o le fili ma lē e faia lona tauimasui.+ 17  O mea uma nei ua oo iā i matou, ae e matou te lē o faagaloina oe,+E matou te leʻi pepelo foʻi i lau feagaiga.+ 18  E leʻi liliuese o matou loto ona o le lē faamaoni,+E leʻi liliuese foʻi o matou vae mai i lou ala.+ 19  Ua e tuʻimomomoina i matou i le mea e nonofo ai taʻifau o le vao,+Ua e ufitia foʻi i matou i le pogisa tele.+ 20  Afai ua galo iā i matou le suafa o lo matou Atua,Po ua faaloaloa atu o matou lima i se atua ese,+ 21  Pe e lē suʻesuʻeina ea e le Atua lenei mea?+Auā e na te silafia mea lilo i le loto.+ 22  Ua fasiotia i matou i le aso atoa ona o oe;Ua faitaulia foʻi i matou e pei o mamoe o le a fasia.+ 23  Inā tulaʻi ia. Ieova e, aiseā ua e saga tofā ai pea?+Inā alafaʻi mai ia. Aua e te lafoaʻia i matou e faavavau.+ 24  Aiseā ua e natia ai pea ou fofoga?Aiseā ua e faagaloina ai lo matou tigā ma le sauāina o i matou?+ 25  Auā ua matou ifo toʻele i le efuefu;+Ua pipii foʻi o matou manava i le eleele. 26  Inā tulaʻi ia e fesoasoani mai iā i matou+Ma ia e laveaʻi i matou ona o lou alofa faamaoni.+

Faamatalaga Pito i Lalo

O le uiga o lenei upu Eperu o le “solo o manatunatuga loloto o se tasi.”