Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 40:1-17

I le faatonu o le ʻaufaimusika. O le pese a Tavita. 40  Ou te matuā faamoemoe atu iā Ieova,+ Ona liliu mai lea o ona taliga iā te aʻu, ma faafofoga mai i laʻu alaga atu mo se fesoasoani.+   Ua ia ave aʻe foʻi aʻu mai i le gogolo o le lua,+ Ma le mea e matuā palapalā.+ Ona ia faatūina lea o aʻu i luga o le papa;+ Ma matuā faatumauina e ia oʻu laasaga.+   Ona ia tuu mai lea i loʻu gutu o se pese fou, E viivii atu ai i lo tatou Atua.+ E vāai i ai le toʻatele ona matataʻu ai lea,+ Ma latou faatuatua ai iā Ieova.+   E fiafia le tagata ua fai Ieova ma ona faatuatuaga+ Ma e lē liliu atu ona mata i tagata fouvale, Ma i latou ua liliu atu i ala pepelo.+   E tele lava mea ua e faia,+ Ieova e, loʻu Atua, e oo lava i au galuega ofoofogia ma ou manatunatuga iā i matou;+ E leai se isi e faatusaina iā te oe.+ O mea ia na ou fia taʻu atu ma tautala i ai, A ua matuā tele lava, ua lē mafaitaulia.+   O taulaga ma mea na ofoina atu ua ē lē fiafia i ai;+ Ua e faia mo aʻu taliga e faalogo ai.+ E te leʻi talosaga mai foʻi i se taulaga mū ma se taulaga o agasala.+   O lenei, ua ou faapea ifo: “Vaai, ua ou sau,+ Ua tusia e uiga iā te aʻu i tusi tāʻai.+   Loʻu Atua e, ou te fiafia e fai lou finagalo,+ Ua i totonu foʻi iā te aʻu lau tulafono.+   Ua ou taʻu atu le tala lelei o le amiotonu i totonu o le faapotopotoga tele.+ Faauta! Ua ou lē taofia foʻi oʻu laugutu.+ Ieova e, ua e silafia lelei lava.+ 10  Ou te leʻi natia i loʻu loto lau amiotonu.+ Na ou faalauiloa atu lou faamaoni ma lau faaolataga.+ Ou te leʻi nanāina foʻi lou alofa faamaoni ma lau upu moni i totonu o le faapotopotoga tele.+ 11  A o oe Ieova e, aua e te taofia lou alofa mutimutivale mai iā te aʻu.+ Ia leoleoina pea aʻu e lou alofa faamaoni ma lau upu moni.+ 12  Auā ua siʻosiʻomia aʻu e puapuaga seʻia lē mafai ona faitaulia i latou.+ Ua maua aʻu e le tele o aʻu mea sesē ma ua lē mafai ai ona ou vaai;+ Ua sili atu le tele nai lo o oʻu lauulu,+ Ma ua ou lotovaivai ai.+ 13  Ieova e, ia e finagalo malie e laveaʻi mai iā te aʻu.+ Ieova e, ia vave ona e fesoasoani mai iā te aʻu.+ 14  Tau ina ia māsiasi ma faamāina faatasi i latou uma+ O ē o loo saʻili ina ia fasiotia aʻu.+ Tau ina ia toe foʻi i latou ma ia faalumaina o ē o loo fiafia i loʻu malaia.+ 15  Ia taufaiofo i latou ona o lo latou māsiasi+ O ē ua faapea mai iā te aʻu: “Uē! Uē!”+ 16  Ia latou fiafia ma olioli iā te oe,+ O ē uma o loo saʻili iā te oe.+ Ia lē aunoa ona latou faapea ane: “Ia faasilisilia Ieova,”+ O ē o loo naunau i le faaolataga mai iā te oe.+ 17  A ua ou puapuagatia ma mativa.+ E manatu mai foʻi Ieova iā te aʻu.+ O oe o loʻu fesoasoani ma o Lē e na te saunia se mea ou te sao ai.+ Loʻu Atua e, aua lava e te faatuai mai.+

Faamatalaga Pito i Lalo