Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 32:1-11

O le salamo a Tavita. O le Masekila.* 32  E fiafia le tagata ua faamagaloina lana solitulafono, o lē ua ufitia lana agasala.+   E fiafia foʻi le tagata e lē taʻusesēina e Ieova,+ Ma e lē faaʻoleʻole lona loto.+   Pe a ou lē taʻu atu aʻu agasala, ona tigā ai lea o oʻu ivi ona o loʻu ōi i le aso atoa.+   Auā ua mamafa lou aao i oʻu luga i le pō ma le ao.+ Ua liusuavai foʻi loʻu malosi e pei o le vai i le vevela o le tau māfanafana.+ Selā.   Ona ou taʻutino atu lea iā te oe o laʻu agasala, ou te leʻi ufitia foʻi loʻu sesē.+ Na ou faapea ifo: “Ou te taʻutino atu aʻu solitulafono iā Ieova.”+ Ma ua e faamagaloina le leaga o aʻu agasala.+ Selā.   O le mea lea e tatalo atu ai iā te oe tagata faamaoni uma+ Manū o maua oe i lea taimi.+ E lē oo foʻi iā te ia tafega o vai e tele.+   Ua fai oe ma mea ou te lafi ai; e te leoleo iā te aʻu mai i mafatiaga.+ E te siʻosiʻomia aʻu i le alaga fiafia ona ua e saunia se mea ou te sao ai.+ Selā.   “Ou te foaʻi atu iā te oe le tofā mamao, ma faatonu oe i le ala e ao ona e savali ai.+ Ou te fautua atu foʻi ma ou vaai iā te oe.+   Aua neʻi avea outou e pei o se solofanua po o se asini* e lē malamalama,+ O lona malosi e mafai ona taofiofia i se faagutu po o se taofi+ A o leʻi faalatalata mai i latou iā te oe.”+ 10  E tele tigā e oo i lē e amioleaga;+ A o lē e faatuatua iā Ieova, e siʻosiʻomia o ia e le alofa faamaoni.+ 11  Inā olioli ia iā Ieova, ma fiafia, outou o ē e amiotonu;+ Ma ia alalaga fiafia, outou uma o ē e saʻo o latou loto.+

Faamatalaga Pito i Lalo

O le uiga o lenei upu Eperu o le “solo o manatunatuga loloto o se tasi.”
Po o le “miula” lea e maua mai i le upu Eperu e faasino atu i le tama a le asini poʻa ma le solofanua fafine.