Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 31:1-24

I le faatonu o le ʻaufaimusika. O le pese a Tavita. 31  Ieova e, ou te sulufaʻi atu iā te oe.+Tau ina ia aua neʻi oʻu māsiasi.+Ia e saunia se mea ou te sao ai i lau amiotonu.+   Ia e liuliualo mai ou fofoga iā te aʻu.+Ia vave ona e laveaʻi mai iā te aʻu.+Ia fai oe ma oʻu papa malosi,+O se ʻolo malosi e faaolaina ai aʻu.+   Auā o oe o loʻu papa ma loʻu ʻolo malosi;+Ona o lou suafa,+ ua e taʻitaʻia ma faatonuina ai aʻu.+   E te aveese aʻu mai i le upega na latou natia mo aʻu,+Auā o oe o loʻu malosi.+   Ou te tuuina atu loʻu agaga i lou aao.+Ieova e, le Atua faamaoni,+ ua e togiolaina aʻu.+   Ou te ʻinoʻino iā i latou o ē e tapuaʻi i tupua e lē aogā;+A o aʻu, ou te faatuatua iā Ieova.+   Ou te fiafia ma olioli i lou alofa faamaoni,+Ona ua e silasila mai i loʻu puapuaga;+Ua e silafia foʻi oʻu mafatiaga,+   Ma ua e lē tuuina atu aʻu i le lima o le fili.+Ua e faatūina foʻi oʻu vae i se mea lautele.+   Ieova e, ia e alofa mai iā te aʻu, auā ua ou matuā puapuagatia lava.+Ua vaivai oʻu mata ona o mea e tigā ai,+ faapea foʻi loʻu tino ma loʻu manava.+ 10  Auā ua uma loʻu ola ona o faanoanoaga,+Ma ua iʻu foʻi oʻu tausaga i oʻu tigā.+Ua tauau ina uma loʻu malosi ona o oʻu sesē,+Ma ua vaivai ai foʻi oʻu ivi.+ 11  Ua avea aʻu ma tauemuga+ i manatu o i latou uma o ē e ita mai iā te aʻu,+Ae e sili lava oʻu tuaoi,+Ua matataʻu foʻi iā te aʻu o ē sa matou masani.+Pe a vāai mai iā te aʻu i fafo, ona latou sosola lea mai iā te aʻu.+ 12  Ua faagaloina aʻu e pei o se tasi ua oti ma e lē o manatua e isi;+Ua pei foʻi aʻu o se ipu ua nutililiia;+ 13  Auā ua ou faalogo i tala leaga a le toʻatele,+Ua siʻosiʻomia aʻu e le mataʻu.+Ina ua latou taupulepule faatasi faasaga iā te aʻu,+Ua latou faufau foʻi ina ia aveesea loʻu ola.+ 14  A o aʻu nei Ieova e, ou te faatuatua iā te oe.+Ua ou faapea atu: “O oe o loʻu Atua.”+ 15  Ua i ou aao loʻu ola.+Ia e laveaʻi iā te aʻu mai i lima o oʻu fili, ma i latou o loo tulituliloa iā te aʻu.+ 16  Ia faamalamalama mai ou fofoga i luga o lau auauna.+Ia e faaolaina foʻi aʻu i lou alofa faamaoni.+ 17  Ieova e, tau ina ia aua neʻi oʻu māsiasi, auā ua ou valaau atu iā te oe.+Tau ina ia māsiasi o ē e amioleaga;+Tau ina ia punitia foʻi o latou gutu+ i le Tuugamau.* 18  Tau ina ia lē magagana laugutu pepelo,+O loo tautatala ma le matuā faasausili ma le ʻinoʻino+ i lē e amiotonu.+ 19  Maʻeu lava le tele o lou lelei+ ua e teuina mo i latou e matataʻu iā te oe!+Ua e faaalia foʻi iā i latou e sulufaʻi atu iā te oe,I luma o le fanau a tagata.+ 20  E te natia i latou i lou afioaga lilo+Mai i le aufaatasiga o tagata.+E te faalalafi foʻi i latou i lou faleʻie mai i finauga a laulaufaiva.+ 21  Ia viia Ieova,+Auā ua ia faaalia iā te aʻu lona alofa faamaoni uigaese+ i le aai ua puapuagatia.+ 22  A o aʻu, ua ou faapea atu ina ua ou popolevale:+“E soloiesea nei lava aʻu mai i ou luma.”+A ua e faafofoga mai i le leo o aʻu ʻaiʻoiga, ina ua ou tagi atu iā te oe mo se fesoasoani.+ 23  O outou uma o ona tagata faamaoni, ia outou alolofa atu iā Ieova.+O loo leoleo foʻi e Ieova o ē e faamaoni,+Ae e matuā taui atu e ia i ē e faamaualuluga.+ 24  Ia outou lototetele ma tau ina ia malolosi o outou loto,+O outou uma o ē o loo faatalitali iā Ieova.+

Faamatalaga Pito i Lalo

Tagaʻi i le Faaopoopoga e 6.