Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 3:1-8

O le pese a Tavita ina o sola ese mai i lona atalii o Apisaloma.+ 3  Ieova e, aiseā ua toʻatele ai o ē e ita mai iā te aʻu?+ Aiseā ea ua toʻatele ai o ē e faasagatau mai iā te aʻu?+   E toʻatele o ē ua faapea ane e uiga iā te aʻu: “E lē faaolaina lava o ia e le Atua.”+ Selā.*   A o oe Ieova e, e fai oe ma oʻu talita,+ O loʻu mamalu+ ma o Lē e faaeaina i luga loʻu ulu.+   Ou te valaau leotele atu iā Ieova, Ona tali mai lea o ia iā te aʻu mai i lona mauga paia.+ Selā.   A o aʻu, ou te taoto ma ou moe; Ou te ala mai lava, auā e lagolago mai pea Ieova iā te aʻu.+   Ou te lē fefe i le faitau sefulu afe o tagata, O ē ua siʻosiʻo mai e faasagatau mai iā te aʻu.+   Ieova e, inā e tulaʻi ia!+ Loʻu Atua e,+ ia e faaola mai iā te aʻu!+ E te taia auvae o oʻu fili uma.+ E te gauia foʻi nifo+ o ē e amioleaga.   E iā Ieova le faaolataga.+ Ua e faamanuia i ou tagata.+ Selā.

Faamatalaga Pito i Lalo

O se upu Eperu e faaaogāina i musika, ae e lē o mautinoa le uiga. Tagaʻi i le Faaopoopoga e 13.