Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 25:1-22

O le salamo a Tavita. א [Alefa] 25  Ieova e, ou te tuuina atu loʻu ola iā te oe.+ב [Peta]   Loʻu Atua e, ou te faatuatua atu iā te oe;+Aua neʻi oʻu māsiasi.Aua foʻi neʻi olioli oʻu fili ona o aʻu.+ ג [Gimela]   E lē māsiasi foʻi i latou o ē e faamoemoe iā te oe.+Ae e māsiasi ma lē taulau i latou o ē e faaʻoleʻole.+ ד [Taleta]   Ieova e, ia e faailoa mai iā te aʻu ou ala;+Ia e aʻoaʻo mai aʻu i ou ala.+ ה [He]   Ia faia aʻu ina ia ou savali i lau upu moni ma aʻoaʻo mai iā te aʻu,+Auā o oe o le Atua o loʻu faaolataga.+ ו [Vau]Ou te faamoemoe atu iā te oe i le aso atoa.+ ז [Saina]   Ieova e, ia e manatua lou alofa mutimutivale+ ma lou alofa faamaoni,+Auā e mai i le vavau.+ ח [Heta]   Ieova e, aua e te manatua aʻu agasala ma aʻu solitulafono a o ou talavou.+Ia e manatua mai aʻu e tusa ma lou alofa faamaoni,+E tusa foʻi ma lou agalelei.+ ט [Teta]   E lelei ma amio saʻo Ieova.+O le mea lea ua ia faatonuina ai o ē e agasala i le ala saʻo.+ י [Iota]   E taʻitaʻi e ia o ē e agamalu i iʻuga o ana faamasinoga,+E aʻoaʻo foʻi e ia o ē e agamalu i lona ala.+ כ [Kafa] 10  E alofa faamaoni ma moni ala uma o IeovaIā i latou o ē e tausi i lana feagaiga+ ma ana faamanatuga.+ ל [Lameta] 11  Ieova e, ona o lou suafa,+Ia e faamagalo mai ai oʻu sesē auā ua matuā tele lava.+ מ [Mema] 12  O ai ea la le tagata e mataʻu iā Ieova?+E na te faatonuina o ia i le ala e filifilia e ia.+ נ [Nuna] 13  E nofo o ia i mea lelei,+E fai foʻi le lalolagi ma tofi+ o lana fanau. ס [Sameka] 14  E vavalalata iā Ieova i latou o ē e matataʻu iā te ia,+E na te faailoa atu foʻi lana feagaiga iā i latou.+ ע [Oina] 15  E faasaga aʻe pea oʻu mata iā Ieova,+Auā ua ia aveesea oʻu vae mai i le upega.+ פ [Pe] 16  Ia liliu mai ou fofoga iā te aʻu ma ia e finagalo malie mai;+Auā ua na o aʻu lava ma ua ou puapuagatia.+ צ [Sati] 17  Ua tele lava mafatiaga o loʻu loto;+Ia e aveeseina aʻu mai i mea ou te tigā ai.+ ר [Resa] 18  Ia e silasila mai i loʻu tigā ma loʻu faafitauli,+Ma ia e faamagalo mai i aʻu agasala uma.+ 19  Tagaʻi foʻi i le toʻatele o oʻu fili,+Ua latou ʻinoʻino mai iā te aʻu i le ʻinoʻino faasauā.+ ש [Sini] 20  Ia e leoleo iā te aʻu ma laveaʻi iā te aʻu.+Ia aua neʻi oʻu māsiasi, auā ua ou sulufaʻi atu iā te oe.+ ת [Tau] 21  Ia leoleo mai aʻu e le faamaoni ma le amio saʻo,+Auā ua ou faamoemoe atu iā te oe.+ 22  Le Atua e, ia e laveaʻi iā Isaraelu mai i ona mafatiaga uma.+

Faamatalaga Pito i Lalo