Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 20:1-9

I le faatonu o le ʻaufaimusika. O le pese a Tavita. 20  Tau ina ia tali mai Ieova iā te oe i le aso o le puapuaga.+ Tau ina ia puipuia foʻi oe i le suafa+ o le Atua o Iakopo.   Tau ina ia auina mai e ia lou fesoasoani mai i le mea paia,+ Ma tausia oe mai i Siona.+   Tau ina ia manatua e ia au taulaga uma,+ Ma tau ina ia talia foʻi e ia le gaʻo o lau taulaga mū.+ Selā.   Tau ina ia foaʻi mai e ia iā te oe e tusa ma mea o naunau i ai lou loto,+ Ma tau ina ia faataunuuina e ia au fuafuaga uma.+   Matou te alalaga ma le olioli ona o lau faaolataga,+ E sii aʻe foʻi a matou tagāvai i le suafa o lo matou Atua.+ Tau ina ia faataunuuina e Ieova o au talosaga uma.+   O lenei, ua ou iloa e faaolaina lava e Ieova o lē ua ia faauuina.+ E tali mai o ia iā te ia mai i lona lagi paia+ I galuega mamana e faaolaina ai a lona aao taumatau.+   E taʻutaʻu atu e nisi o kariota, ma e taʻutaʻu atu e isi o solofanua,+ A o i tatou, e tatou te taʻutaʻu atu le suafa o Ieova lo tatou Atua.+   Ua faatoʻilaloina ma ua paʻuʻū i latou;+ A o i tatou, ua tatou tutū i luga, ina ia toe faafoʻisia ai i tatou.+   Ieova e, ia e faaolaina le tupu!+ E tali mai o ia iā i matou i le aso e matou te valaau atu ai.+

Faamatalaga Pito i Lalo