Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 18:1-50

I le faatonu o le ʻaufaimusika. O le auauna a Ieova, o Tavita, o lē na fai atu iā Ieova i upu o lenei pese, i le aso na laveaʻiina ai o ia e Ieova mai i lima o ona fili uma ma le lima o Saulo.+ Ua ia faapea atu: 18  Ieova e, loʻu malosi,+ ou te alofa lava iā te oe.   O Ieova o loʻu papa, o loʻu ʻolo malosi, ma o Lē e saunia se mea ou te sao ai.+O loʻu Atua o loʻu papa lea. Ou te sulufaʻi atu iā te ia,+O loʻu talita ma le nifo o loʻu faaolataga, o loʻu ʻolo e saogalemu ai.+   Ou te valaau atu iā Ieova, o Lē e ao ona viia,+E faaolaina foʻi aʻu mai i oʻu fili.+   Ua siʻosiʻomia aʻu e maea o le oti,+Ua ou atuatuvale foʻi i tafega malolosi a tagata lē aogā.+   Ua siʻomia aʻu e maea o le Tuugamau;*+Ua faafetaiaʻia aʻu e mailei o le oti.+   Ona ou valaau atu lea iā Ieova i loʻu puapuaga,Na ou valaau atu pea i loʻu Atua mo se fesoasoani.+Na faafofoga mai o ia i loʻu leo mai i lona malumalu,+Na faafofoga mai foʻi o ia i laʻu alaga i ona luma mo se fesoasoani.+   Na lūlūina ma gatete le lalolagi,+Na maluelue faavae o mauga,+Na lūlūina pea ona o lona toʻasā.+   Na alu aʻe le asu i ona pogaʻiisu, na faaumatia mea e le afi mai i lona fofoga;+Na mumū aʻe mai iā te ia o malala ola.   Na ia loloʻu ifo i lalo le lagi ma ua alu ifo;+Ua i lalo foʻi o ona vae le ao mafiafia. 10  Na tiʻetiʻe mai o ia i luga o se kerupi o loo lele mai;+Na lele faavave mai o ia i luga o apaʻau o se agelu.*+ 11  Na faia e ia le pōuliuli ma ona nofoaga lilo,+E siʻomia ai o ia e pei o se fale e api ai,O vai pōuliuli ma ao mafiafia.+ 12  O le malamalama foʻi i ona luma ua gasolo mai ai ona ao,+O le uatoʻa ma malala ola o le afi.+ 13  Na faapā e Ieova le faititili i le lagi,+Na tulei mai foʻi e le Silisili Ese lona siʻufofoga,+O le uatoʻa ma malala ola o le afi. 14  Na ia fana mai pea o ana aū ina ia faataapeape ai i latou;+Na ia faaemo mai uila ina ia faafenuminumiaʻi ai i latou.+ 15  Ua aliali mai foʻi le ilitivai,+Ua faaalia foʻi faavae o le laueleele,+Ieova e, ona o lau aʻoaʻiga mai i le mānava o ou pogaʻiisu.+ 16  Na ia faaloaloa lona aao mai i le mea maualuga, na ia ave iā te aʻu,+Na ia ave aʻe iā te aʻu mai i vai e tele.+ 17  Na ia laveaʻiina aʻu mai i loʻu fili malosi,+Ma ē e feita iā te aʻu; auā e sili atu lo latou malolosi iā te aʻu.+ 18  Na latou faafetaiaʻia pea aʻu i le aso o loʻu malaia,+A o Ieova na lagolago mai iā te aʻu.+ 19  Na ia aumaia aʻu ma tuu i se mea lautele;+Na ia faasaoina aʻu auā ua ia fiafia iā te aʻu.+ 20  Ua tauia aʻu e Ieova e tusa ma laʻu amiotonu;+E na te taui mai foʻi iā te aʻu e tusa ma oʻu lima mamā.+ 21  Auā ua ou tausia ala o Ieova,+Ou te leʻi faia foʻi se mea leaga i loʻu alu ese mai i loʻu Atua.+ 22  Auā ua i oʻu luma ana faamasinoga uma;+Ou te lē faateʻa ese foʻi mai iā te aʻu ana tulafono.+ 23  E lē ponā laʻu amio iā te ia,+Ou te lē faia foʻi se mea sesē.+ 24  Ia taui mai e Ieova iā te aʻu e tusa ma laʻu amiotonu,+E tusa foʻi ma oʻu lima mamā i lana silafaga.+ 25  E te faamaoni i le tagata faamaoni;+E lē ponā au feutagaʻiga ma le tagata e lē ponā;+ 26  E te amio mamā i le tagata e amio mamā;+E te faapiʻopiʻo foʻi oe i lē ua faapiʻopiʻo;+ 27  Auā e te faaolaina tagata ua mafatia;+A o ē e faamaualuluga e te faamaulaloina.+ 28  Auā o oe, Ieova e, e te tutuina loʻu molī;+E faamalamalamaina lava e loʻu Atua loʻu pōuliuli.+ 29  O lau fesoasoani ua mafai ai ona ou tetee i le ʻau e faoa mea;+O loʻu Atua foʻi ua mafai ai ona ou aʻea le pā.+ 30  O le Atua moni e atoatoa ona lelei lona ala;+Ua faamamāina le afioga a Ieova.+O le talita o ia i ē uma e sulufaʻi atu iā te ia.+ 31  Auā o ai se Atua e ese mai iā Ieova?+O ai foʻi se papa, ua na o lo tatou Atua?+ 32  O le Atua moni o Ia e na te fusia aʻu i le malosi,+E na te faia foʻi loʻu ala ia atoatoa ona lelei,+ 33  Ua faia oʻu vae e pei o vae o ʻaila;+Ua ia faatūina pea aʻu i mea maualuluga ou te lē gafatia.+ 34  Ua ia aʻoaʻo oʻu lima mo le taua,+Ua loloʻu foʻi e oʻu lima se ʻaufana ʻapamemea.+ 35  E te tuuina mai iā te aʻu o lou talita o le faaolataga,+O lou lima taumatau foʻi e tausia ai aʻu,+Ma o lou agamalu* ua faasilisiliina ai aʻu.+ 36  E te matuā faalautele le mea ou te savali ai,+E lē tetete foʻi oʻu tapuvae.+ 37  Ou te tuliloa i oʻu fili ina ia ou maua ai i latou;Ma ou te lē foʻi mai seʻia faaumatia i latou.+ 38  Ou te nutililii i latou ina ia lē mafai ona toe tutū i luga;+Latou te paʻuʻū foʻi i lalo o oʻu vae.+ 39  E te fusia aʻu i le malosi tele mo le taua;E te faia foʻi i latou e faasagatau mai iā te aʻu ia paʻuʻū i lalo.+ 40  A o oʻu fili, e te tuuina mai iā te aʻu tua o o latou ua;+Ou te faafilemu foʻi o ē e matuā ita mai iā te aʻu.+ 41  Latou te alalaga mo se fesoasoani, ae e leai se faaola,+E alalaga atu iā Ieova, ae e lē tali mai o ia iā i latou.+ 42  Ou te tuʻininiia i latou e pei o le pefu i le matagi;+Ou te sasaaina atu i latou e pei o le palapala o auala.+ 43  E te saunia mo aʻu se mea ou te sola i ai mai i le nuu vaavaai masei.+E te tofia aʻu ia avea ma ulu o atunuu;+E auauna mai foʻi iā te aʻu se nuu ou te leʻi iloaina.+ 44  E usiusitaʻi i latou iā te aʻu ona o le tala ua faalogo i ai;+E ō mai ma le gatete tagata ese iā te aʻu.+ 45  E mou atu foʻi tagata ese,E latou te ō mai ma le gatete mai i mea e puipuia ai i latou.+ 46  O loo soifua Ieova,+ ia viia loʻu Papa;+Ia faaeaina foʻi le Atua o loʻu faaolataga.+ 47  O le Atua moni o Lē e tauimasui mo aʻu;+O ia foʻi e na te faatoʻilaloina tagata iā te aʻu.+ 48  E na te faasaoina aʻu mai i oʻu fili ua feita mai;+E te faaeaina aʻu iā i latou e faasagatau mai iā te aʻu;+E te laveaʻiina foʻi aʻu mai i le tagata faasauā.+ 49  Ieova e, o le mea lea ou te faaneenee atu ai iā te oe i luma o atunuu,+Ou te faia foʻi pesega+ i lou suafa. 50  Ua ia faia galuega tetele o le faaolataga mo lona tupu+E alofa faamaoni foʻi i lē ua ia faauuina,+Iā Tavita ma lana fanau i aso uma lava.+

Faamatalaga Pito i Lalo

Tagaʻi i le Faaopoopoga e 6.
Po o “apaʻau o le matagi.”
I le gagana Eperu, “o lou faamaulalo.”