Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 17:1-15

O le tatalo a Tavita. 17  Ieova e, ia e faafofoga mai i le mea ua tonu; ia e uaʻi mai foʻi i laʻu ʻaiʻoi atu;+ Ia e faafofoga mai i laʻu tatalo e lē faia i laugutu faaʻoleʻole.+   Ia oo mai loʻu faamasinoga mai i ou luma;+ Ia silasila foʻi ou fofoga i le mea ua tonu.+   Ua e suʻesuʻeina loʻu loto, ua e asiasi mai i le pō,+ Ua e faamamāina aʻu; ma maua ai ou te leʻi faufau e fai se mea leaga.+ E lē tautala foʻi loʻu gutu i mea leaga.+   A o galuega a tagata, Na ou leoleoina aʻu ina neʻi oʻu ui i ala o le tagata faomea ona o le afioga mai i lou fofoga.+   Ia savali oʻu vae i ou ala,+ E lē tautevateva lava oʻu vae.+   Le Atua e, ou te valaau atu iā te oe, auā e te tali mai iā te aʻu.+ Ia e liuliualo mai iā te aʻu. Ia e faafofoga mai foʻi i aʻu upu.+   Le Faaola e, o ē e sulufaʻi atu iā te oe, ia e faia ia matagofie au galuega o le alofa faamaoni+ Mai i tagata e tetee i lou aao taumatau.+   Ia e tausia aʻu e pei o le tamatamaʻimata,+ Ia e natia foʻi aʻu i le paolo o ou apaʻau,+   Ona o tagata amioleaga o ē na osofaʻia aʻu. Ua siʻosiʻomia pea aʻu e fili o ē e feita mai iā te aʻu.+ 10  Ua mafiafia o latou loto;+ Ua tautatala foʻi o latou gutu i upu faasausili;+ 11  Ua latou siʻosiʻomia i matou a o matou savavali;+ Ua vaavaai o latou mata, ua punonou ifo i le eleele.+ 12  E pei o ia o se leona o loo faanaunau e saeia+ se manu Ma se tamaʻi leona o loo nofo i nofoaga lilo. 13  Ieova e, inā tulaʻi ia; ia e faafetaiaʻi iā te ia;+ Ia e lafo iā te ia i lalo; ia e faasaoina i lau pelu+ loʻu ola mai i le tagata amioleaga, 14  Ieova e, ia e faasaoina aʻu i lou aao+ mai i tagata, Mai i tagata o lenei faiga+ o mea a le lalolagi, o ē ua iai so latou tofi i lenei olaga,+ Ma o ē ua e faatumuina o latou manava i oloa ua natia,+ O ē foʻi ua faamalieina i atalii+ Ma o ē ua faaputu mea na latou faatotoe mo a latou fanau.+ 15  A o aʻu, ou te vaavaai atu i ou fofoga i le amiotonu;+ E faamalieina foʻi aʻu pe a ou ala aʻe ma vaai atu iā te oe.+

Faamatalaga Pito i Lalo