Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 16:1-11

O le salamo* a Tavita. 16  Le Atua e, ia e leoleo mai iā te aʻu, auā ua ou sulufaʻi atu iā te oe.+   Ua ou faapea atu iā Ieova: “O oe lava o Ieova; e lē aogā iā te oe loʻu lelei,+   Ae e aogā i le ʻaupaia o loo i le lalolagi. O i latou na o alii sili, ou te matuā fiafia lava iā i latou.”+   Ua matuā tele lava mea tigā e oo iā i latou e televavave e mulimuli atu i se isi atua.+ Ou te lē ofoina atu taulaga i meainu o le toto,+ Ou te lē taʻutaʻua atu foʻi o latou igoa i oʻu laugutu.+   O Ieova o loʻu tofi+ ma o laʻu ipu.+ Ua e taofimau foʻi i loʻu tofi.   O le mea ua e fuaina mai e fai ma oʻu tofi, e matagofie lea.+ Ma ua ou fiafia lava i loʻu tofi.   Ou te vivii atu iā Ieova o lē na fautuaina aʻu.+ Ma i le pō e faasaʻoina ai aʻu+ e oʻu manatunatuga loloto.*   Ua ou tuu Ieova i oʻu luma e lē aunoa.+ Ou te lē tautevateva foʻi auā o loo iai o ia i loʻu itu taumatau.+   O le mea lea e olioli ai loʻu loto, ma ou te olioli foʻi i loʻu mamalu.+ Ou te nofo lava ma le saogalemu.+ 10  Auā e te lē tuua aʻu i le Tuugamau.*+ E te lē tuua lē ua faamaoni iā te oe ia oo i le lua.+ 11  E te faailoa mai iā te aʻu le ala i le ola.+ O loo i ou luma foʻi le olioli e malie ai;+ O loo i lou itu taumatau le olioli e oo i le faavavau.+

Faamatalaga Pito i Lalo

I le gagana Eperu, o le mikh·tam′. Atonu o lona uiga o “upu tomua.”
I le gagana Eperu, o “oʻu fatugaʻo.”
Tagaʻi i le Faaopoopoga e 6.