Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 148:1-14

148  O outou le nuu e, inā vivii atu ia iā Ioa!+ Ia vivii atu iā Ieova mai i le lagi,+ Ia vivii atu iā te ia i mea maualuluga.+   O outou o ana agelu uma, inā vivii atu ia iā te ia.+ O outou o ana ʻau uma, inā vivii atu ia iā te ia.+   O oulua o le lā ma le masina, inā vivii atu ia iā te ia.+ O outou o fetu uma o le malamalama, inā vivii atu ia iā te ia.+   O outou le lagi o lagi, inā vivii atu ia iā te ia,+ Ma vai o loo i luga aʻe o le lagi.+   Ia latou vivii atu i le suafa o Ieova;+ Auā o ia na poloaʻi mai, ona faia lava lea o i latou.+   Ua ia faatūina pea i latou i aso uma lava e oo i le faavavau.+ Ua ia tuuina mai se tulafono, ma e lē mavae atu lava.+   Ia vivii atu iā Ieova mai i le lalolagi,+ O outou meaola lapopoʻa o le sami, ma vai loloto uma.+   O outou le afi ma le uatoʻa, o le kiona ma le ausa mafiafia,+ O oe foʻi le matagi malosi o loo faataunuuina lana afioga,+   O outou mauga ma aʻega uma,+ O outou laau e fua mai, ma arasi uma,+ 10  O outou manu tataa ma manu lalata uma,+ O outou mea fetolofi ma manufelelei,+ 11  O outou tupu o le lalolagi+ ma outou atunuu uma, O outou perenise+ ma outou faamasino uma o le lalolagi,+ 12  O outou tauleleʻa+ ma outou taupou,+ O outou toeaina+ atoa foʻi ma tama.+ 13  Ia vivii atu i latou i le suafa o Ieova,+ Auā e na o lona suafa lava e silisili ona maualuga.+ O lona mamalu e sili lea i le lalolagi ma le lagi.+ 14  E na te faaeaina le nifo o lona nuu,+ O le viiga o ona tagata faamaoni uma,+ O le fanauga a Isaraelu, o le nuu e latalata atu iā te ia.+ O outou le nuu e, inā vivii atu ia iā Ioa!+

Faamatalaga Pito i Lalo