Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 147:1-20

147  O outou le nuu e, inā vivii atu ia Ioa,+ Auā e lelei ona fai pesega i lo tatou Atua;+ Auā o le mea mālie lea, ua tatau ona viia o ia.+   Ua fausia e Ieova Ierusalema;+ Ua ia faapotopotoina faatasi foʻi o ē sa taapeape o Isaraelu.+   Ua faamālōlō+ e ia o ē ua loto momomo,+ Ma fusifusia o latou manuʻa tigā.+   Ua ia faitauina le aofaʻiga o fetu;+ Ua ia valaauina foʻi i latou uma i o latou igoa.+   E silisili lava lo tatou Alii ma e tele lona mana;+ E lē mafaamatalaina foʻi lona poto.*+   Ua avatu e Ieova le mapusaga i ē e agamalu;+ A ua ia lafo ifo o ē e amioleaga i le laueleele.+   O outou le nuu e, inā tali atu ia iā Ieova i le faafetai;+ Ma fai pesega i lo tatou Atua i le kitara,*+   O Lē na te ufitia le lagi i ao,+ O Lē na te saunia le timu mo le laueleele,+ O Lē foʻi na te faatupu le mutia lanu meamata i mauga.+   E avatu e ia meaʻai i manufeʻai,+ E avatu foʻi e ia meaʻai i tamaʻi oreva o loo fetagisi mai pea.+ 10  E lē fiafia o ia i le malosi o le solofanua,+ E lē finagalo o ia i vae o le tagata.+ 11  E fiafia Ieova iā i latou e matataʻu iā te ia,+ O i latou e faatalitali atu i lona alofa faamaoni.+ 12  Ierusalema e, inā faamanū atu ia iā Ieova.+ Siona e, inā vivii atu ia i lou Atua.+ 13  Auā ua faamalosia e ia faamau faalava o ou faitotoʻa; Ua faamanuia foʻi e ia lau fanau i totonu iā te oe.+ 14  Ua ia tuuina le filemu i lou laueleele;+ Ua ia faamalieina pea oe i le saito e sili ona lelei.+ 15  Ua auina mai e ia lana afioga i le lalolagi;+ Ua tamoʻe vave mai lana afioga. 16  Ua ia tuuina mai le kiona e pei o fulufulu mamoe;+ Ua ia faataapeape foʻi le sautoʻa e pei o le lefulefu.+ 17  Ua lafo mai e ia lana aisa e pei o ni momoimea.+ O ai foʻi e mafai ona tulaʻi atu i lona mālūlū?+ 18  Ua ia auina mai lana afioga+ ma ua liusuavai ai. Ua ia faaagi mai foʻi lona matagi;+ Ona sinasina ifo ai lea o vai. 19  Ua ia taʻuina atu lana afioga iā Iakopo,+ O ana tulafono+ ma iʻuga o ana faamasinoga iā Isaraelu.+ 20  E na te leʻi faia faapea i se isi lava atunuu;+ E latou te leʻi iloa foʻi iʻuga o ana faamasinoga.+ O outou le nuu e, inā vivii atu ia iā Ioa!+

Faamatalaga Pito i Lalo

Po o “lona malamalama.”
O se meafaifaaili anamua e ese mai i le kitara i aso nei. O le upu Peretania, o le harp.