Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 145:1-21

O le pese o viiga a Tavita. א [Alefa] 145  Loʻu Atua e, le Tupu, ou te faaeaina lava oe,+Ou te vivii atu i lou suafa i aso uma lava e oo i le faavavau.+ ב [Peta]   Ou te vivii atu iā te oe i le aso atoa,+Ou te vivii atu i lou suafa i aso uma lava e oo i le faavavau.+ ג [Gimela]   E silisili Ieova ma e tatau ona matuā viiviia o ia,+E lē masuʻesuʻeina foʻi lona silisili ese.+ ד [Taleta]   E faamanū atu lea tupulaga ma lea tupulaga i au galuega,+E latou te taʻutaʻu atu foʻi au galuega mamana.+ ה [He]   Ou te tautala atu i le matagofie o le viiga o lou mamalu+Ma au galuega ofoofogia.+ ו [Vau]   E latou te talanoa e uiga i le malolosi o au mea mataʻutia;+Ma ou te faalauiloa atu foʻi lou silisili ese.+ ז [Saina]   E latou te taʻutaʻu atu le tele o lou agalelei,+Ma e latou te alalaga fiafia foʻi ona o lau amiotonu.+ ח [Heta]   E alofa fua Ieova ma alofa mutimutivale,+E telegese lona toʻasā ae e tele lona alofa faamaoni.+ ט [Teta]   E agalelei Ieova i mea uma lava,+E alofa mutimutivale foʻi o ia i ana galuega uma.+ י [Iota] 10  Ieova e, e faaneenee atu iā te oe au galuega uma,+E vivii atu foʻi iā te oe ou tagata faamaoni.+ כ [Kafa] 11  E talatalanoa i latou i le mamalu o lou malo,+Ma taʻutaʻu atu e uiga i lou mana tele,+ ל [Lameta] 12  Ina ia faailoa atu i le fanau a tagata ana galuega mamana+Ma le matagofie o le mamalu o lona malo.+ מ [Mema] 13  O lou malo, o le malo e faavavau lea,+O lau pule e tumau e oo atu i tupulaga uma lava.+ ס [Sameka] 14  E lagolago e Ieova i latou uma ua paʻuʻū,+Ma faatulaʻi i latou uma ua faanoʻunoʻu.+ ע [Oina] 15  E tepa aʻe iā te oe mata o mea uma lava ma le faamoemoe,+Ma ua e avatu a latou meaʻai i le taimi e tatau ai.+ פ [Pe] 16  Ua e faamafola lou aao+Ma faamalie le manaʻo o mea ola uma lava.+ צ [Sati] 17  E amiotonu Ieova i ona ala uma+Ma e faamaoni i ana galuega uma lava.+ ק [Kofa] 18  E latalata Ieova iā i latou uma e valaau atu iā te ia,+O i latou uma e valaau atu iā te ia ma le faamaoni.+ ר [Resa] 19  E faia e ia o mea e mananaʻo ai i latou o ē e matataʻu iā te ia,+E faafofoga foʻi o ia i a latou alaga, ma ia faaolaina i latou.+ ש [Sini] 20  E leoleoina e Ieova i latou uma o ē e alolofa iā te ia,+Ae e na te faaumatia i latou uma o ē e amioleaga.+ ת [Tau] 21  E tautala atu loʻu gutu i viiga o Ieova;+Ia vivii atu foʻi tagata uma i lona suafa paia, i aso uma lava e oo i le faavavau.+

Faamatalaga Pito i Lalo