Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 143:1-12

O le pese a Tavita. 143  Ieova e, ia e faafofoga mai i laʻu tatalo;+Ia e liuliualo mai i laʻu ʻaiʻoi atu.+Ma ia e tali mai iā te aʻu i lou faamaoni ma lau amiotonu.+   Aua foʻi e te faia le faamasinoga o lau auauna;+Auā e leai lava se tagata ola e amiotonu i ou luma.+   Auā ua tuliloa aʻu e loʻu fili;+Ua ia tuʻimomomoina foʻi loʻu ola i le eleele.+Ua ia faanofo aʻu i mea pogisa e pei o i latou ua leva ona feoti.+   Ua vaivai loʻu loto+ i totonu iā te aʻu;Ua lē toe lagona foʻi e loʻu loto se mea.+   Ou te manatua aso anamua;+Na ou mafaufau loloto ai i au galuega uma lava;+Na ou naunau foʻi e mafaufau pea i galuega a ou aao.+   Ou te faaloaloa atu oʻu lima iā te oe;+Ua ou galala lava iā te oe e pei o se eleele naumati.+ Selā.   Ieova e, ia e tali vave mai iā te aʻu.+Ua tauau ina mou atu loʻu malosi.+Aua e te natia ou fofoga iā te aʻu,+Ina neʻi tusa aʻu ma i latou ua ō ifo i le lua.+   Ia ou faalogo i lou alofa faamaoni i le taeao,+Auā ou te faatuatua atu iā te oe.+Ia e faailoa mai iā te aʻu le ala ou te savali ai,+Auā ou te tuuina atu loʻu ola iā te oe.+   Ieova e, ia e laveaʻiina aʻu mai i oʻu fili.+Ou te sola atu iā te oe mo le puipuiga.+ 10  Ia e aʻoaʻo mai iā te aʻu e faia lou finagalo,+Auā o oe o loʻu Atua.+E lelei lou agaga;+Ia taʻitaʻia ai aʻu i le laueleele o ē ua amio saʻo.+ 11  Ieova e, ia e faaola mai iā te aʻu+ ona o lou suafa.+Ia e aveesea aʻu mai i puapuaga+ ona o lau amiotonu.+ 12  Ia e faaumatia oʻu fili ona o lou alofa faamaoni;+Ia e faaumatia foʻi i latou uma o ē e ita mai iā te aʻu,+Auā o aʻu o lau auauna.+

Faamatalaga Pito i Lalo