Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 141:1-10

O le pese a Tavita. 141  Ieova e, ua ou valaau atu iā te oe.+ Ia vave ona e afio mai iā te aʻu.+ Ia e faafofoga mai i loʻu leo pe a ou valaau atu iā te oe.+   Tau ina ia saunia laʻu tatalo e pei o le mea manogi+ i ou luma,+ O le sisii aʻe foʻi o oʻu lima ia pei o le taulaga i meaʻai o le afiafi.+   Ieova e, ia e tuuina se leoleo i loʻu gutu;+ Ia e tuu foʻi se leoleo i le faitotoʻa o oʻu laugutu.+   Aua neʻi naunau atu loʻu loto i se mea leaga,+ Ina neʻi oʻu faia ai mea e matuā leaga+ Faatasi ma tagata o ē o loo faia mea e tigā ai,+ Ina ia aua neʻi oʻu ʻai ai i a latou mea lelei.+   Pe a fasia aʻu e lē e amiotonu, o le alofa faamaoni lea;+ Pe a ia aʻoaʻia foʻi aʻu, ua avea lea ma suāuu i loʻu ulu,+ E lē fia teena foʻi e loʻu ulu.+ Auā ou te tatalo pea i le taimi o o latou puapuaga.+   E lafotuina o latou faamasino i tafatafa o papa,+ Ae e latou te faalogo mai i aʻu upu, auā e mālie ia.+   E pei ona vaevae ma isiisi e se tasi o laau i le laueleele, E faapea ona salalau o matou ivi i le gutu o le Tuugamau.*+   Ae peitaʻi, e faasaga atu oʻu mata iā te oe,+ Ieova e, le Alii Pule Silisili Ese.+ Ou te sulufaʻi atu iā te oe.+ Aua neʻi sasaaina atu loʻu ola.+   Ia e leoleo iā te aʻu mai i mailei ua latou faataatitia mo aʻu+ Ma matāsele a i latou o loo faia mea e tigā ai.+ 10  E paʻuʻū faatasi uma o ē e amioleaga i a latou lava upega,+ A o aʻu nei, ou te sao mai ai.

Faamatalaga Pito i Lalo

Tagaʻi i le Faaopoopoga e 6.