Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 140:1-13

I le faatonu o le ʻaufaimusika. O le pese a Tavita. 140  Ieova e, ia e laveaʻi iā te aʻu mai i tagata leaga;+Tau ina ia e leoleo iā te aʻu mai i tagata e faia faiga sauā,+   O i latou e faufau mea leaga i o latou loto,+O ē e osofaʻi mai pea iā te aʻu i le aso atoa e pei o ni taua.+   Ua latou faamaʻai o latou laulaufaiva e pei o se gata;+Ua i lalo foʻi o o latou laugutu le mea oona a le gata.*+ Selā.   Ieova e, ia e tausi iā te aʻu mai i lima o lē e amioleaga;+Ia e leoleo foʻi iā te aʻu mai i tagata e faia faiga sauā,+O i latou ua faufau ina ia ou tautevateva.+   Ua natia e i latou e fiasisili le mailei mo aʻu;+Ua latou fofola maea e pei o se upega i tafatafa o le auala.+Ua latou faataatitia foʻi mailei mo aʻu.+ Selā.   Na ou faapea atu iā Ieova: “O oe o loʻu Atua.+Ieova e, ia e faafofoga mai i le leo o aʻu ʻaiʻoiga.”+   Ieova e, le Alii Pule Silisili Ese,+ o le malosi o loʻu faaolataga,+Ua e ufiufi loʻu ulu i le aso o le taua.+   Ieova e, aua e te avatua mea e manaʻo i ai le tagata amioleaga.+Aua foʻi e te faataulauina lana taupulega, ina neʻi faasilisilia ai o ia.+ Selā.   A o ulu o i latou o loo siʻosiʻomia aʻu,+Tau ina ia ufitia i latou i upuleaga mai i o latou laugutu.+ 10  Tau ina ia faapaʻuʻū ifo malala ola i o latou luga.+Ia lafo ifo foʻi i latou i le afi,+ i lua e iai vai, ina ia lē toe tutū ai i luga.+ 11  Ia lē tumau i le lalolagi le tagata e tautala i mea pepelo.+Ia tuliloa foʻi e mea leaga le tagata faasauā ma tulei pea iā te ia.+ 12  Ua ou iloa lelei e finau Ieova+Mo lē ua puapuagatia, ma faia le faamasinoga mo ē ua matitiva.+ 13  E moni lava e faafetai atu i lou suafa tagata amiotonu;+E nonofo foʻi i ou luma o ē e amio saʻo.+

Faamatalaga Pito i Lalo

Po o le “gata e iai tamaʻi seu.”