Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 139:1-24

I le faatonu o le ʻaufaimusika. O le pese a Tavita. 139  Ieova e, ua e suʻesuʻe mai aʻu, ma ua e silafia lava aʻu.+   Ua e silafia lava loʻu nofo i lalo ma loʻu tulaʻi.+Ua e silafia mamao mai foʻi oʻu manatunatuga.+   Ua e fuatia loʻu savali ma loʻu taoto,+Ua e masani foʻi i oʻu ala uma.+   A o leʻi fai atu se upu i loʻu gutu,+Faauta! Ieova e, ua e silafia uma lava.+   Ua e siʻomia aʻu i tua ma luma;Ua e tuu mai foʻi lou aao i luga iā te aʻu.   Ua faigatā tele mo aʻu lea poto.+Auā ua matuā maoaʻe lava, ua ou lē malamalama i ai.+   O fea e mafai ona ou alu i ai mai i lou agaga,+Ma o fea e mafai ona ou sola ese i ai mai i ou fofoga?+   Afai ou te alu aʻe i le lagi, o loo iai lava oe;+Afai foʻi ou te fofola loʻu moega i le Tuugamau,* faauta! o loo iai lava oe.+   Afai foʻi e fai mo aʻu apaʻau+ o le vaveao,Ina ia ou nofo ai i le tuluʻiga mamao o le sami,+ 10  E taʻitaʻiina ai foʻi aʻu i inā e lou aao+Ma e taofia aʻu e lou aao taumatau.+ 11  Afai foʻi ou te fai atu: “Ua vave lava ona ufitia aʻu e le pōuliuli!”+Ona avea ai lea o le pō ma malamalama iā te aʻu.+ 12  E oo foʻi i le pōuliuli e lē pogisa lava mo oe,+Ae e susulu le pō e pei o le ao;+E pei lava foʻi le pōuliuli o le malamalama.+ 13  Auā o oe na e faia oʻu fatugaʻo;+Na e ufiufi foʻi iā te aʻu i le manava o loʻu tinā.+ 14  Ou te faaneenee atu iā te oe, auā ua e faia aʻu i se auala mataʻutia ma ofoofogia.+E ofoofogia au galuega,+Ua ou matuā iloa lelei lava.+ 15  E leʻi natia oʻu ponaivi mai iā te oe+Ina o faia aʻu i le mea lilo,+Ina o saunia foʻi aʻu i mea sili ona maualalo+ o le lalolagi. 16  Na silasila mai lava ou fofoga ina o afuafua aʻu,+Na tusia foʻi i lau tusi ona vaega uma,E faatatau i aso na faia ai+A o leai ni vaega o loʻu tino. 17  O lea, maʻeu lava le tāua o ou manatu iā te aʻu!+Le Atua e, ua matuā sili lava ona tele o lo latou faitau aofaʻi!+ 18  Afai ou te taumafai e faitauina, ua sili atu ona tele nai lo o le oneone.+Ua ou ala aʻe, ae o loo ou faatasi pea ma oe.+ 19  Le Atua e, pe ana e fasiotia o lē e amioleaga!+Ona ō ese ai lea mai iā te aʻu o tagata ua nofosala i le toto,+ 20  O ē ua faia upu e uiga iā te oe e tusa ai o o latou manatu;+Ua faaaogā sesē+ foʻi e ou fili lou suafa.+ 21  Ieova e, po ou te lē ita ea iā i latou o ē e matuā feita iā te oe,+Ma po ou te lē ʻinoʻino ea foʻi iā i latou o ē e tetee iā te oe?+ 22  Ua ou matuā ʻinoʻino lava iā i latou.+Ua avea i latou ma oʻu fili moni.+ 23  Le Atua e, ia e saʻili mai iā te aʻu, ma silafia ai loʻu loto.+Ia e suʻesuʻe mai iā te aʻu, ma silafia ai oʻu popolega,+ 24  Ma ia e silafia ai po o iā te aʻu se ala e tigā ai,+Ma taʻitaʻi aʻu i le ala+ i aso uma lava.

Faamatalaga Pito i Lalo

Tagaʻi i le Faaopoopoga e 6.