Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 135:1-21

135  O outou le nuu e, inā vivii atu ia iā Ioa!+ Ia vivii atu i le suafa o Ieova,+ O outou o auauna a Ieova, inā ofo atu ia viiga,+   O outou o loo tutū i le fale o Ieova,+ I lotoā o le fale o lo tatou Atua.+   Ia vivii atu iā Ioa, auā e lelei Ieova.+ Ia fai pesega i lona suafa, auā o le mea matagofie lea.+   Auā ua filifili e Ioa Iakopo e fai mo ia,+ O Isaraelu foʻi e fai ma ana oloa tāua.+   Auā ua ou iloa lelei e sili lava Ieova,+ E sili atu foʻi lo tatou Alii nai lo o isi atua uma.+   Ua faia e Ieova mea uma ua ia finagalo i ai e faia+ I le lagi ma le lalolagi, i le sami foʻi ma vai loloto uma.+   Ua ave aʻe e ia o ausa mai i le tuluʻiga o le lalolagi;+ Ua faia foʻi e ia o faitotoʻa mo le timu;+ Ua aumaia e ia le matagi mai i ona fale teuoloa,+   O ia o lē na fasia ulumatua a Aikupito,+ O tagata atoa ma manu.+   Aikupito e, na auina atu e ia faailoga ma vavega iā te oe,+ Iā Farao ma ana auauna uma;+ 10  O ia o lē na fasia le tele o atunuu+ Ma fasiotia tupu malolosi,+ 11  E oo lava iā Sekono le tupu o tagata Amorī+ Ma Oko le tupu o Vasana+ Ma malo uma o Kanana,+ 12  O lē foʻi na avatua lo latou laueleele e fai ma tofi,+ O se tofi iā Isaraelu lona nuu.+ 13  Ieova e, e faavavau lava lou suafa.+ Ieova e, o lau faamanatuga e mai i lea tupulaga i lea tupulaga.+ 14  Auā e finau Ieova mo lona nuu,+ E tigā alofa foʻi o ia i ana auauna.+ 15  O tupua o atunuu, o siliva ma auro ia,+ O galuega ia a lima o tagata.+ 16  E fai o latou gutu, ae e lē tautatala;+ E fai o latou mata, ae e lē vāai;+ 17  E fai o latou taliga, ae e lē faalogo.+ E leai foʻi se mānava i o latou gutu.+ 18  O i latou e faia tupua, ua pei i latou o na mea,+ O i latou uma o ē e faatuatua i ai.+ 19  Le aiga o Isaraelu e, ia outou vivii atu iā Ieova.+ Le aiga o Arona e, inā vivii atu ia iā Ieova.+ 20  Le aiga e, o Levi, inā vivii atu ia iā Ieova.+ O outou o ē e matataʻu iā Ieova, inā vivii atu ia iā Ieova.+ 21  Ia viia Ieova mai i Siona,+ O lē o loo afio i Ierusalema.+ O outou le nuu e, inā vivii atu ia iā Ieova!+

Faamatalaga Pito i Lalo