Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 132:1-18

O le Pese a Ē Ō Aʻe. 132  Ieova e, ia e manatua Tavita+ E tusa ma mea uma na faalumaina ai o ia;+   Na ia tautō iā Ieova,+ Na ia faia foʻi le tautoga i le Atua Mamana+ o Iakopo:+   “Ou te lē ulu atu lava i le faleʻie o loʻu fale.+ Ou te lē alu aʻe foʻi i loʻu moega matagofie i le mea ou te moe ai,+   E lē mafai ona moe oʻu mata,+ Pe tautulemoe foʻi oʻu mata,+   Seʻia ou maua se mea e afio ai Ieova,+ O le faleʻie paia sili mo le Atua Mamana o Iakopo.”+   Faauta! Ua matou faalogo i ai i Efarata,+ Ua matou mauaina foʻi i fanua o le vaomatua.+   Ia tatou ō atu i lona faleʻie paia sili;+ Ma tatou ifo atu i le mea e tū ai ona aao.+   Ieova e, inā e tulaʻi ia i le mea o loo e afio ai,+ O oe ma le Atolaau+ o lou malosi.+   Ia oofu au ositaulaga i le amiotonu,+ Ma ia alalaga fiafia ou tagata faamaoni.+ 10  Ona o lau auauna o Tavita,+ Aua neʻi e teena mata o lē ua e faauuina.+ 11  Na tautō Ieova iā Tavita,+ E moni e faataunuu lava e ia:+ “Ou te faanofo i lou nofoālii+ Se tasi e fanau mai i lou manava.+ 12  Afai e tausia e lau fanau laʻu feagaiga+ Ma aʻu faamanatuga ou te aʻoaʻoina ai i latou,+ O le a nonofo foʻi a latou fanau+ I lou nofoālii e faavavau.”+ 13  Auā ua filifilia e Ieova Siona;+ Ua naunau lava o ia i ai e fai ma ona afioaga:+ 14  “O le mea lenei ou te nofo ai e faavavau;+ Ou te nofo ai i inei, auā ua ou naunau lava i ai.+ 15  Ou te faamanuia lava i ana meaʻai.+ Ou te faamaoona foʻi ona tagata matitiva i meaʻai.+ 16  Ou te faaofuina ona ositaulaga i le faaolataga;+ E alalaga fiafia foʻi ona tagata faamaoni. 17  Ou te faatupuina ai i inā le nifo o Tavita.+ Ou te saunia ai foʻi se molī mo lē ua ou faauuina.+ 18  Ou te faaofuina ona fili i le māsiasi;+ Ae o le a pupula mai+ lona palealii+ i luga iā te ia.”

Faamatalaga Pito i Lalo