Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 123:1-4

O le Pese a Ē Ō Aʻe. 123  Ua tepa aʻe oʻu mata iā te oe,+O Oe o lē e afio i le lagi.+   Faauta! E pei ona vaavaai atu o mata o auauna i le lima o lo latou matai,+E pei foʻi ona vaavaai atu o mata o se auauna fafine i le lima o lona matai fafine,+E faapea ona vaavaai atu o tatou mata iā Ieova lo tatou Atua+Seʻia alofa mai o ia iā i tatou.+   Ieova e, ia e alofa mai iā i matou, ia e alofa mai iā i matou;+Auā ua matuā inosia lava i matou.+   Auā ua matuā tutumu o matou loto i tauemuga a ē e faamaualuluga,+O le ʻinoʻino mai foʻi o ē e faasausili.+

Faamatalaga Pito i Lalo