Skip to content

Skip to secondary menu

Skip to table of contents

Molimau a Ieova

Faa-Samoa

Tusi Paia i le Initaneti | O LE TUSI PAIA–O LE FAALILIUGA A LE LALOLAGI FOU

Salamo 118:1-29

118  O outou le nuu e, inā faafetai atu ia iā Ieova, auā e lelei o ia;+Auā e faavavau lava lona alofa faamaoni.+   Ia faapea atu nei Isaraelu:“Auā e faavavau lava lona alofa faamaoni.”+   Ia faapea atu le aiga o Arona:+“Auā e faavavau lava lona alofa faamaoni.”+   Ia faapea atu foʻi i latou e matataʻu iā Ieova:+“Auā e faavavau lava lona alofa faamaoni.”+   Na ou valaau atu iā Ioa i oʻu puapuaga;+Na faafofoga mai Ioa ma tuu aʻu i se mea lautele.+   O loo ʻau Ieova ma aʻu; ou te lē fefe lava.+O le ā se mea e mafai ona faia e tagata iā te aʻu?+   O loo ʻau Ieova ma aʻu, faatasi ma i latou o loo fesoasoani mai iā te aʻu,+Ina ia ou iloa ai i latou o ē e ita mai iā te aʻu.+   E sili atu ona lelei le sulufaʻi iā Ieova+Nai lo o le faatuatua atu i tagata.+   E sili atu foʻi ona lelei le sulufaʻi iā Ieova+Nai lo o le faatuatua atu i tamālii.+ 10  Ua siʻomia aʻu e atunuu uma.+A o le suafa o Ieova na mafai ai ona ou tutuliesea i latou.+ 11  Ua latou siʻomia aʻu, ioe, ua latou siʻomia aʻu.+Ae o le suafa o Ieova na mafai ai ona ou tutuliesea i latou. 12  Ua latou siʻomia aʻu e pei o pi;+Ua faaumatia i latou e pei o vao tuitui ua mū i le afi.+Ae o le suafa o Ieova na mafai ai ona ou tutuliesea i latou.+ 13  Ua e matuā tulei mai iā te aʻu ina ia ou paʻū ai,+Ae peitaʻi, ua fesoasoani mai Ieova iā te aʻu.+ 14  O Ioa o loʻu malu ma loʻu malosi,+Ua avea o ia ma oʻu faaolataga.+ 15  O le leo o le alaga fiafia ma le faaolataga+O loo i faleʻie+ o ē e amiotonu.+E faia e le aao taumatau o Ieova mea mamana.+ 16  Ua faaeaina le aao taumatau o Ieova;+E faia e le aao taumatau o Ieova mea mamana.+ 17  Ou te lē oti, ae ou te ola pea,+Ina ia ou folafola atu galuega a Ioa.+ 18  Na matuā aʻoaʻia aʻu e Ioa,+Ae na te leʻi tuuina aʻu i le oti.+ 19  O outou le nuu e, inā tatala mai ia iā te aʻu faitotoʻa o le amiotonu.+Ou te ulufale atu ai; ou te faaneenee atu foʻi iā Ioa.+ 20  O le faitotoʻa lenei o Ieova.+E ō atu i ai o ē e amiotonu.+ 21  Ou te faaneenee atu iā te oe, auā na e tali mai iā te aʻu+Ua avea foʻi oe ma oʻu faaolataga.+ 22  O le maa lea na tuulafoaʻiina e tufuga+Ua avea ma maa tulimanu sili.+ 23  E mai iā Ieova lenei mea;+Ma e ofoofogia i la tatou vaai.+ 24  O le aso lenei ua faia e Ieova;+E tatou te olioli ma fiafia ai.+ 25  Faamolemole Ieova e, ia e faaola mai iā i matou!+Faamolemole Ieova e, ia e faamanuia mai!+ 26  Ia manuia Lē e afio mai i le suafa o Ieova;+E matou te faamanuia atu foʻi iā te outou le nuu mai i le fale o Ieova.+ 27  O Ieova o le Atua lea,+E foaʻi mai e ia le malamalama iā i tatou.+O outou le nuu e, inā teuteu ia le solo o le tausamiga+ i lālā laau,+E oo atu lava i nifo o le fata faitaulaga.+ 28  O oe o loʻu Atua, ma ou te faaneenee iā te oe;+Ou te faaeaina oe loʻu Atua.+ 29  O outou le nuu e, inā faafetai atu ia iā Ieova, auā e lelei o ia;+Auā e faavavau lava lona alofa faamaoni.+

Faamatalaga Pito i Lalo