Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 105:1-45

105  Ia outou faafetai atu iā Ieova, ia valaau atu i lona suafa,+ Ia faailoa atu mea na ia faia i nuu.+   Inā pepese atu ia iā te ia, ia fai pesega iā te ia,+ Inā manatunatu ia outou i ana galuega ofoofogia uma.+   Ia outou mitamita i lona suafa paia.+ Ia olioli foʻi loto o i latou e saʻiliʻili iā Ieova.+   Inā saʻili atu ia iā Ieova ma lona malosi.+ Ia saʻili atu pea iā te ia.+   Ia manatua ana galuega ofoofogia na ia faia,+ O ana vavega ma iʻuga o faamasinoga a lona fofoga,+   O outou le fanau e, a Aperaamo lana auauna,+ O outou o atalii o Iakopo, o ē na ia filifilia.+   O ia o Ieova lo tatou Atua.+ O loo i le lalolagi uma iʻuga o ana faamasinoga.+   Na ia manatua lana feagaiga i aso uma lava,+ O le upu na ia poloaʻi mai ai i le faitau afe o tupulaga,+   O le feagaiga lea na ia osia ma Aperaamo,+ Ma le upu o lana tautoga iā Isaako,+ 10  O le upu lea na ia faatumauina e avea o se tulafono iā Iakopo, O se feagaiga foʻi ma Isaraelu i aso uma lava,+ 11  E faapea: “Ou te tuuina atu iā te oe le laueleele o Kanana+ O le vaega lea o lo outou tofi.”+ 12  Na faia lenei mea ina o toʻaitiiti i latou,+ Ioe, e matuā toʻaitiiti lava, ma o tagata ese i le nuu.+ 13  Na latou fesavaliaʻi solo mai i lea atunuu i lea atunuu,+ Mai i le tasi foʻi malo i le isi malo.+ 14  E na te leʻi tuuina atu i se tagata e faoa a latou mea,+ Ae na ia aʻoaʻia tupu ona o i latou,+ 15  E faapea: “Aua neʻi o outou fetagofi atu i ē ua ou faauuina,+ Aua foʻi neʻi o outou faia se mea leaga i aʻu perofeta.”+ 16  Ua valaau o ia i le oge ina ia oo mai i le nuu;+ Ua ia gauia foʻi tootoo uma na tautau ai falaoa lapotopoto.+ 17  Na ia auina atu se tagata e muamua atu iā i latou, O Iosefa lea, o lē na faatauina atu e fai ma pologa.+ 18  Na latou faatigā i ona vae i faamau,+ Na oo lava o ia i uʻamea;+ 19  Seʻia oo i le taimi na oo mai ai lana afioga,+ Na faamamāina ai o ia i le afioga a Ieova.+ 20  Na auina atu le poloaʻiga a le tupu ina ia tatala o ia,+ O le pule o le nuu ina ia faasaʻoloto o ia. 21  Na ia tofia o ia e fai ma matai i lona aiga+ Ma ia pule i ana mea uma,+ 22  Ina ia saisai ona perenise e tusa ma lana pule+ Ma aʻoaʻo e ia ona toeaina i le atamai.+ 23  Ua ō atu Isaraelu i Aikupito,+ Ma ua aumau foʻi Iakopo o se tagata ese i le nuu o Hamo.+ 24  Ua faatoʻateleina pea e ia lona nuu,+ Ma faamalolosia foʻi i latou e sili i o latou fili.+ 25  Ua ia liua o latou loto ina ia feita i lona nuu,+ Ina ia faaʻoleʻole ai i ana auauna.+ 26  Na ia auina atu lana auauna o Mose,+ Ma Arona o lē na ia filifilia.+ 27  Ua la faailoa atu iā i latou ona faailoga,+ Ma vavega i le nuu o Hamo.+ 28  Na ia auina atu le pōuliuli ma ua faapouliuligia ai;+ E latou te leʻi fouvale foʻi i ana afioga.+ 29  Na ia liua o latou vai i le toto,+ Ma faamamate o latou iʻa.+ 30  Na faatumulia lo latou nuu i rane,+ E oo i totonu o potu o o latou tupu. 31  Na ia fetalai ane foʻi ina ia ō mai lago taufeū,+ Ma namu i o latou oganuu uma.+ 32  Na ia faia o latou timuga ma uatoʻa,+ Ma afi mumū i lo latou nuu.+ 33  Na ia taia foʻi o latou vine ma o latou mati Ma gauia laau o lo latou nuu.+ 34  Na ia fetalai ane, ia ō mai sē akerise,+ Ona ō mai ai lea o le lē mafaitaulia o sē akerise.+ 35  Na latou ʻaina laau uma o lo latou nuu;+ Na latou ʻaina foʻi fua o lo latou laueleele. 36  Ona ia fasiotia lea o ulumatua uma i lo latou nuu,+ O o latou ulumatua uma.+ 37  Na ia aumaia i latou faatasi ma siliva ma auro;+ E leai foʻi se tasi o ona ituaiga na tautevateva. 38  Na fiafia Aikupito ina ua latou ō ese, Auā ua oo le mataʻu iā i latou ona o i latou.+ 39  Na ia fofola le ao e fai ma pupuni,+ Ma le afi e faamalamalama i le pō.+ 40  Na latou talosaga atu, ona ia aumaia lea o salu,*+ Ma le meaʻai mai i le lagi, na ia faamaoona ai pea i latou.+ 41  Na ia vavae le papa ma tafe mai ai vai;+ Ona tatafe atu ai lea e pei o se vaitafe i nuu naumati.+ 42  Auā na manatua e ia lana afioga paia i lana auauna o Aperaamo.+ 43  Ona ia aumaia lea o lona nuu ma le olioli,+ O ē na ia filifilia ma le alaga fiafia.+ 44  Na iʻu ina avatu e ia iā i latou o fanua o atunuu,+ Ma na maua pea e i latou fua o galuega mamafa a tagata o nuu,+ 45  Ina ia latou tausia ana poloaʻiga.+ Ma mulimuli i ana tulafono.+ O outou le nuu e, inā vivii atu ia iā Ioa!+

Faamatalaga Pito i Lalo

O se tamaʻi manulele peti e tusa ma le 18 senitimita (7 inisi) lona umī. E lelei mo le tausami.