Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Salamo 10:1-18

ל [Lameta] 10  Ieova e, aiseā ea ua e tūtū mamao ai?+ Aiseā ua e lafi ai i taimi o o matou puapuaga?+   Ona o lona faasausili, ua matuā tulituliloa ai e le tagata amioleaga o lē ua puapuagatia;+ Ua maileia i latou i togafiti ua latou mafaufau i ai.+   Auā ua vivii e le tagata amioleaga o ia lava i ona tuʻinanauga manatu faapito,+ Ma ua faamanuia foʻi e lē ua mauaina polofiti mai i faiga lē tonu+ o ia lava; נ [Nuna]Ua lē faaaloalo o ia iā Ieova.+   O le faafefeteina o le tagata amioleaga, ua lē saʻili ai o ia i le Atua;+ O ona manatu uma lava e faapea: “E leai se Atua.”+   E taulau manuia pea ona ala i taimi uma.+ O iʻuga o au faamasinoga e matuā lē malamalama ai o ia;+ E ʻataʻata faatauemu+ foʻi o ia iā i latou uma o ē e ita iā te ia.   Ua faapea ifo o ia i lona loto: “Ou te lē tautevateva lava;+ Auā e lē oo mai se mala iā te aʻu+ i lea tupulaga ma lea tupulaga.” פ [Pe]   Ua tumu foʻi lona gutu i le fetuu, o tala taufaasesē, ma le sauā.+ Ua tautala foʻi lona laulaufaiva i mea e tutupu ai faalavelave ma mea e tigā ai.+   E nofo o ia i le mea e lalafi ai e latalata i nuu; E na te fasiotia lē ua lē sala i nofoaga lilo.+ ע [Oina]E vaavaai foʻi ona mata mo se tasi ua lē mafesoasoania.+   E faatalitali pea o ia i le nofoaga lilo e pei o se leona i le mea e lafi ai.+ E faatalitali pea+ o ia ina ia aveese faamalosi lē ua tigāina. E na te ave faamalosi lē ua tigāina ina ua maua o ia i lana upega.+ 10  Ua tuʻimomomoina o ia ma ua punou ifo, Ma ua paʻuʻū atu i ona lima malolosi le motu o tagata o ē ua mafatia.+ 11  Ua faapea ifo o ia i lona loto:+ “Ua faagaloina e le Atua.+ Ua natia e ia ona fofoga.+ E lē taitai silasila i ai o ia.”+ ק [Kofa] 12  Ieova e, inā e tulaʻi ia!+ Le Atua e, inā sii aʻe ia lou aao.+ Aua neʻi faagaloina o ē ua mafatia.+ 13  Aiseā ua lē faaaloalo ai le tagata amioleaga i le Atua?+ Ua faapea ifo o ia i lona loto: “E te lē faamasinoina lava aʻu.”+ ר [Resa] 14  Auā o oe lava ua e silafia faalavelave ma tigā. Ua e silasila pea i ai ina ia e tauaaoina nei mea.+ Ua tuuina atu e lē ua lē mafesoasoania,+ o le tama lea ua leai se tamā o ia lava iā te oe. O oe lava ua avea ma ona fesoasoani.+ ש [Sini] 15  Ia e gagau le lima o le tagata amioleaga ma le tagata agasala.+ Ia e suʻesuʻe i lana amioleaga seʻia e lē toe mauaina se mea.+ 16  O Ieova o le Tupu e faavavau, faavavau lava.+ E fano foʻi nuu mai i lona laueleele.+ ת [Tau] 17  Ieova e, e te faafofoga lava i tatalo a ē e agamalu.+ Ma e te saunia foʻi o latou loto.+ E te faafofoga mai foʻi iā i latou,+ 18  Ina ia faamasinoina le tama e leai se tamā ma lē ua tuʻimomomoina,+ Ina ia lē toe faamataʻu ane se tagata na faia mai i le eleele.+

Faamatalaga Pito i Lalo