Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 8:1-23

8  Ua toe oo mai foʻi le afioga a Ieova o ʻau, ua faapea mai:  “O le fetalaiga lenei a Ieova o ʻau,+ ‘Ou te fuā ona o Siona i le fuā tele, ma ou te fuā+ ma le ita tele+ ona o ia.’ ”  “O le fetalaiga lenei a Ieova, ‘O le a ou toe foʻi atu iā Siona+ ma nofo i totonu o Ierusalema;+ o le a taʻua Ierusalema o le aai o le faamaoni,+ e taʻua foʻi le mauga o Ieova+ o ʻau, o le mauga paia.’ ”+  “O le fetalaiga lenei a Ieova o ʻau, ‘O le a toe nonofo toeaina ma loomatutua i nofoaga faitele o Ierusalema,+ o le tagata foʻi ma lona tootoo+ i lona lima ona o le tele o ona tausaga.  E faatumulia foʻi nofoaga faitele o le aai i tama ma teine o loo taaalo i ia nofoaga faitele.’ ”+  “O le fetalaiga lenei a Ieova o ʻau, ‘E ui ina foliga mai e matuā faigatā i manatu o ē ua totoe o lenei nuu i ia aso, ae pe e matuā faigatā ea foʻi i loʻu manatu?’+ ua fetalai mai ai Ieova o ʻau.”  “O le fetalaiga lenei a Ieova o ʻau, ‘O aʻu lava ou te faaola i oʻu tagata mai i le laueleele e oso aʻe ai le lā ma le laueleele e goto i ai le lā.+  O le a ou aumaia i latou, ma o le a nonofo i latou i totonu o Ierusalema;+ e fai i latou ma oʻu nuu,+ e fai foʻi aʻu ma o latou Atua i le faamaoni ma le amiotonu.’ ”+  “O le fetalaiga lenei a Ieova o ʻau, ‘Ia malolosi o outou lima,+ o outou o ē o loo faalogo i nei aso i nei upu mai i fofoga o le ʻauperofeta,+ talu mai le aso na faia ai le faavae o le fale o Ieova o ʻau, ina ia fausia le malumalu.+ 10  Auā a o leʻi oo i na aso, sa leai ni totogi o tagata na iai;+ e leai foʻi ni totogi o manu lalata, e leai se mea faapena na iai; e leai foʻi se filemu o lē e alu i fafo ma lē e toe foʻi mai ona o le fili,+ a o oʻu faaoso pea tagata uma ia tetee le tasi i le isi.’+ 11  “ ‘Ae i le taimi lenei, ou te lē toe pei o aso anamua i ē ua totoe o lenei nuu,’+ ua fetalai mai ai Ieova o ʻau. 12  ‘Auā o le a iai le fatu o le filemu;+ e fua mai e le vine ona fua,+ e fua mai foʻi e le laueleele ona fua,+ e faatotō ifo e le lagi lona sau;+ ma ou te avatua foʻi i ē o totoe+ o lenei nuu o nei mea uma e fai ma o latou tofi.+ 13  O lenei, e pei ona avea outou ma malaia i nuu,+ le aiga e o Iuta, ma le aiga e o Isaraelu,+ e faapea foʻi ona ou faaola iā te outou, ma e fai outou ma faamanuiaga.+ Aua tou te fefefe.+ Tau ina ia malolosi o outou lima.’+ 14  “Auā o le fetalaiga lenei a Ieova o ʻau, ʻ “E faapei ona ou manatu e faia le mea leaga iā te outou ona ua faatigā mai o outou augātamā iā te aʻu,”+ ua fetalai mai ai Ieova o ʻau, “ma ou te leʻi faanoanoa ai,+ 15  e faapea foʻi ona ou toe manatu i nei aso e fai mea lelei iā Ierusalema ma le aiga o Iuta.+ Aua tou te fefefe.” ’+ 16  “ ‘O mea nei e ao ona outou faia:+ Ia tautala i le mea moni o le tasi i le isi.+ Ia faia la outou faamasinoga e tusa ma le upu moni ma le faamasinoga o le filemu i faitotoʻa o pā o o outou aai.+ 17  Aua tou te fafau aʻe i o outou loto ni mea leaga e fai e le tasi i le isi,+ aua foʻi tou te fiafia i se tautoga pepelo;+ auā o mea uma ia ou te ʻinoʻino i ai,’+ ua fetalai mai ai Ieova.” 18  Ua toe oo mai foʻi iā te aʻu le afioga a Ieova o ʻau, e faapea: 19  “O le fetalaiga lenei a Ieova o ʻau, ‘O le anapogi o le masina lona fā,+ o le anapogi o le masina lona lima,+ o le anapogi o le masina lona fitu,+ ma le anapogi o le masina lona sefulu,+ o le a fai ma mea e fiafia ai ma olioli, ma aso o tausamiga lelei+ i le aiga o Iuta. O lea, ia fiafia i le upu moni ma le filemu.’+ 20  “O le fetalaiga lenei a Ieova o ʻau, ‘O le a ō mai nuu ma ē o nonofo i aai e tele;+ 21  ma o le a ō atu lava tagata o le tasi aai i tagata o le isi aai ma faapea atu: “Seʻi o tatou ō ia+ ma saʻili ina ia faamalieina le finagalo+ o Ieova ma saʻili atu foʻi iā Ieova o ʻau. Ou te alu foʻi aʻu.”+ 22  E ō mai foʻi nuu e tele ma nuu malolosi e saʻili iā Ieova o ʻau i Ierusalema+ ma saʻili foʻi e faamalieina lona finagalo.’ 23  “O le fetalaiga lenei a Ieova o ʻau, ‘O ia aso o le a fetagofi atu ai tagata e toʻasefulu mai i gagana uma a atunuu eseese,+ ioe, latou te fetagofi+ atu lava i le pito ofu o le tagata Iutaia,+ ma faapea atu: “E matou te ō ma outou,+ auā ua matou faalogo o loo iā te outou le Atua.” ’ ”+

Faamatalaga Pito i Lalo