Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 7:1-14

 7  O le tausaga lona fā o le nofoaiga a le tupu o Tariu,+ na oo mai ai le afioga a Ieova iā Sakaria, i le aso fā o le masina lona iva, o Kiselu lea.+  Ua aauina atu e tagata Peteli o Salese, o Rekemeleki ma ona tagata ina ia saʻili i le finagalo malie+ o Ieova,  ua fai atu i ositaulaga+ o ē ua iai i le fale o Ieova o ʻau, ma perofeta e faapea: “Po ou te tagi ea i le masina lona lima,+ ma lē ʻai ai, e pei ona ou faia i le tele lava o tausaga?”+  Ua toe oo mai foʻi iā te aʻu le afioga a Ieova o ʻau, e faapea:  “Ia fai atu i tagata uma o le atunuu ma ositaulaga, ‘Ina ua outou anapopogi+ ma tagiauē i le masina lona lima ma le masina lona fitu,+ mo tausaga e fitu sefulu,+ pe na outou anapopogi moni mai ea iā te aʻu, po o aʻu ea?+  Ina ua outou aai ma feinu, pe e lē o outou ea sa aai ma o outou foʻi sa feinu?  Pe e lē tatau ea ona outou usiusitaʻi i afioga+ na alaga mai e Ieova e ala i perofeta na muamua mai,+ a o ʻainā Ierusalema ma filemu faatasi ai ma ona aai ua siʻomia o ia, ma a o ʻainā foʻi Nekepi+ ma Sefila?’ ”+  Ua toe oo mai le afioga a Ieova iā Sakaria, e faapea:  “O le fetalaiga lenei a Ieova o ʻau,‘Ia outou faamasino i le faamasinotonu;+ ia faaauau ona alofa faamaoni+ ma alofa mutimutivale+ le tasi i le isi; 10  aua neʻi fai mea faapiʻopiʻo i le fafine ua oti lana tane,+ po o le tama ua leai se tamā,+ po o le tagata ese o aumau,+ po o lē ua puapuagatia,+ ma aua neʻi faufau i o outou loto se mea leaga e fai e le tasi i le isi.’+ 11  Ae na mumusu i latou e faalogo,+ ma na faamalō pea o latou tauʻau,+ ma faataligatuli ina ia lē faalogo ai.+ 12  Na faamaaa e i latou o latou loto+ e pei o ni maa, ina ia lē usiusitaʻi ai i tulafono+ ma afioga na auina mai e Ieova o ʻau e ala i lona agaga,+ e ala mai foʻi i ana perofeta na muamua mai;+ o le mea lea na tupu tele ai le toʻasā o Ieova o ʻau.”+ 13  “ ‘O lenei, e pei ona valaau o ia ae e leʻi faalogo i latou,+ e faapea foʻi ona valaau i latou ae ou te lē faalogo i ai,’+ ua fetalai mai ai Ieova o ʻau. 14  ‘Ona ou faataapeapeina lea o i latou e pei o se asiosio malosi i nuu uma+ na latou lē iloa;+ ma sa tuufua le laueleele i o latou tua, e leai se tasi na ui ane ai, e leai foʻi se isi na toe foʻi mai i ai;+ na latou faia le laueleele lauolaola+ ma mea e ofo tele ai tagata.’ ”

Faamatalaga Pito i Lalo