Accessibility setting

Filifili le gagana

Skip to secondary menu

Skip to table of contents

Skip to content

Molimau a Ieova

Faa-Samoa

Tusi Paia i le Initaneti

O LE TUSI PAIA–O LE FAALILIUGA A LE LALOLAGI FOU

Sakaria 6:1-15

6  Ua toe tepa aʻe oʻu mata ma iloa ai; faauta! ua ō mai ni kariota se fā mai i le va o mauga e lua, o mauga foʻi o mauga ʻapamemea ia.  O le kariota muamua, o loo toso e solofanua mūmū;+ ae o le kariota lona lua, o loo toso e solofanua uliuli.+  O le kariota lona tolu, o loo toso e solofanua papaʻe;+ ma le kariota lona fā, o loo toso e solofanua e ilailā ma felanulanuaʻi.+  Ona ou tali atu lea i le agelu o loo ma talanoa ma faapea atu: “Loʻu alii e, o ā ia mea?”+  Ona faapea mai lea o le agelu iā te aʻu: “O agaga+ ia e fā o le lagi ua ō atu+ ina ua uma ona tutū i luma o le Alii+ o le lalolagi uma.+  A o le kariota o loo toso e solofanua uliuli, e ō atu i latou i le atunuu i mātū;+ a o solofanua papaʻe, e ō atu i le laueleele i tua o le sami; ma solofanua e ilailā, e ō atu i le atunuu i saute.+  A o solofanua felanulanuaʻi,+ e ō atu ma saʻili pea i le mea e ō i ai, ina ia fesavaliaʻi ai i le lalolagi.”+ Ona ia faapea atu lea: “Inā ō ia ma fesavaliaʻi i le lalolagi.” Ona amata ai lea ona latou fesavaliaʻi i le lalolagi.  Ua ia alaga mai iā te aʻu ma faapea mai: “Vaai i ē o loo ō atu i le atunuu i mātū, o i latou na ua mālōlō ai le agaga+ o Ieova i le atunuu i mātū.”+  Ua toe oo mai le afioga a Ieova iā te aʻu e faapea: 10  “Ia ave ni mea mai i ē na ave faapagota,+ mai iā Heletai, Topia, ma Ietaia; ma e ao ona e alu i lea aso, ma ulu atu i le fale o Iosia le atalii o Sefanaia,+ ma i latou na ō mai mai i Papelonia. 11  Ia ave foʻi siliva ma auro ma fai ai se pale matagofie,+ ma tuu i le ulu o Iosua+ le atalii o Iosatako, le ositaulaga sili. 12  Ia e fai atu iā te ia, “ ‘O le fetalaiga lenei a Ieova o ʻau: “O le tagata lenei,+ o lona igoa o Tātupu.+ E tupu aʻe o ia mai i le mea e pogai mai ai, ma e na te fausia lava le malumalu o Ieova.+ 13  O le a fausia e ia le malumalu o Ieova, e iā te ia foʻi le mamalu;+ ma e ao ona nofo o ia ma pule i lona nofoālii, e fai foʻi o ia ma ositaulaga i lona nofoālii,+ ma o le a sologa lelei mea uma+ i ia tofiga e lua. 14  O le a iai pea le pale matagofie i le malumalu o Ieova e fai ma faamanatuga+ iā Helema, o Topia, o Ietaia,+ ma Heni le atalii o Sefanaia. 15  E ō mai i latou mai i mea mamao ma fausia le malumalu o Ieova.”+ O le a outou iloa ai, na auina mai aʻu iā te outou e Ieova o ʻau.+ E oo lenei mea pe afai e tou te matuā faalogo i le siʻufofoga o Ieova lo outou Atua.’ ”+

Faamatalaga Pito i Lalo